《押韻啟應詩篇》

 | | | 轉寄

台語押韻啟應詩篇 81

作者 Tīⁿ Jîgio̍k 2007.08.26

81　　Asat ê Si. Kau hō͘ Ga̍kkoaⁿ, ēng Kate̍k ê Tiāu.

1a　Siōngtè sī goán ê khùila̍t,
　　上 帝 是 阮 的 氣 力，

1b　　　Lín tio̍h tōasiaⁿ o ló I , chhut choânla̍t ;
　　　　恁 著 大 聲 讚 美 祂，出 全 力；

1c　Tio̍h chhut hoaⁿhí ê siaⁿsè ,
　　著 出 歡 喜 的 聲 勢，

1d　　　O ló Ngákok ê Siōngtè .
　　　　讚 美 雅 各 的 上 帝。

2a　Tio̍h chhiùⁿ sikoa iô linlongkó͘ ;
　　著 唱 詩 歌 搖 鈴 瓏 鼓；

2b　　　Tôaⁿ hóthiaⁿ ê khîm kap sek.
　　　　彈 好 聽 的 琴 及 瑟。

3a　Tio̍h tī chhoeit cha̍pgō͘,
　　著 在 初 一 十 五，

3b　　　Goán chiatkî ê ji̍t pûn sàukak chòe sek.
　　　　阮 節 期 的 日 歕 號 角 作 式。

4a　Inūi che sī kā Í seklia̍t tiāⁿ tio̍h ê lu̍tlē ,
　　因 為 這 是 給 以 色 列 定 著 的 律 例，

4b　　　Ngákok ê Siōngtè ê gî lé .
　　　　雅 各 的 上 帝 的 儀 禮。

5a　I khì kongkek Aiki̍ptōe ê sî ,
　　祂 去 攻 擊 埃 及 地 的 時，

5b　　　Tī Ioksek ê tīniâⁿni̍h,
　　　　在 約 瑟 的 陣 營 裡，

5c　Li̍p chitê chòe kanchèng,
　　立 此 個 做 干 證，

5d　　　Tīhia góa thiaⁿkìⁿ só͘ bōe hiáutit ê ōe chòe kiànchèng.
　　　　在 彼 我 聽 見 所 不 曉 得 的 話 做 見 證。

6a　Siōngtè kóng: Góa hō͘ i ê kengthâu thoatlī tāngtàⁿ,
　　上 帝 講 ： 我 使 他 的 肩 頭 脫 離 重 擔，

6b　　　Hō͘ i ê chhiú pànglo̍h kheng'á .
　　　　使 他 的 手 放 落 筐 仔。

7a　Lí tī hoānlāntiong kiûkiò ê sî ,
　　你 在 患 難 中 求 叫 的 時，

7b　　　Góa bat kiù lí ;
　　　　我 曾 救 你；

7c　Góa tī lûi únba̍t ê só͘chāi ìn lí ;
　　我 在 雷 隱 密 的 所 在 應 你；

7d　　　Góa tī Bí līpa ê chúipiⁿ chhì lí .
　　　　我 在 米 利 巴 的 水 邊 試 你。

8a　Góa ê pehsìⁿ ah , lí tio̍h thiaⁿ;
　　我 的 百 姓 啊， 你 著 聽 ；

8b　　　Góa beh tùi lí chòe kipún ê tiāⁿ.
　　　　我 要 對 你 做 基 本 的 訂。

8c　Í seklia̍t ah , lí tio̍h thàn Góa ê siaⁿ,
　　以色 列 啊， 你 著 趁 我 的 聲，

8d　　　Iā tio̍h thiaⁿ.
　　　　也 著 聽 。

9a　Tī lí ê tiongkan m̄ thang ū pa̍tê siōngtè ,
　　在 你 的 中 間 不 通 有 別 的 上 帝 ，

9b　　　Gōapang ê sînbêng lí ia̍h m̄ thang kūipài lâi soansè .
　　　　外 邦 的 神 明 你 亦 不 通 跪 拜 來 宣 誓。

10a　Góa sī Iâhôhoa lí ê Siōngtè ,
　　　我 是 耶 和 華 你 的 上 帝，

10b　　　Bat chhōa lí chhut Aiki̍ptē .
　　　　　曾 導 你 出 埃 及 地。

10c　Tio̍h tōa khui lí ê chhùi,
　　　著 大 開 你 的 嘴 ，

10d　　　Góa chiū chhiongmóa lí ê ūi .
　　　　　我 就 充　　滿 你 的 胃。

11a　Chóngsī Góa ê pehsìⁿ m̄ thiaⁿ Góa;
　　　總 是 我 的 百 姓 不 聽 我 ；

11b　　　Í seklia̍t choânjiân m̄ chhiùchhái Góa.
　　　　　以色 列 全 然 不 瞅 睬 我。

12a　Góa chiū chhutchāi in , chiàu in ê sim ê kò͘chip;
　　　我 就 出 在 伊， 照 伊 的 心 的 固 執；

12b　　　Hō͘ in chiàu in kakī ê kè bô͘ khì kiâⁿ bô khîⁿkhi̍p.
　　　　　使 伊 照 伊 自 己 的 計 謀 去 行 無 扲 伋。

13a　Góa ê pehsìⁿ nā khéng thiaⁿ Góa ê hoattō͘ ,
　　　我 的 百 姓 若 肯 聽 我 的 法 度，

13b　　　Í seklia̍t nā khéng kiâⁿ Góa ê lō͘ .
　　　　　以色 列 若 肯 行 我 的 路。

14a　Góa chiū kínkín chèap in ê kiûsiû;
　　　我 就 緊 緊 制 壓 伊 的 仇 讎；

14b　　　Kongkek in ê tùite̍k chiah oa̍ttńg Góa ê chhiú.
　　　　　攻 擊 伊 的 對 敵 才 返 轉 我 的 手。

15a　Oànhūn Iâhôhoa ê lâng, beh tâuhâng I lâi khutkē ,
　　　怨 恨 耶 和 華 的 人， 要 投 降 祂 來 屈 下，

15b　　　Chóngsī I ê pehsìⁿ ê sî tāi beh kútn̂g tīteh.
　　　　　總 是 祂 的 百 姓 的 時 代 要 久 長 在 的。

16a　I ia̍h beh ēng hó ê be̍h hō͘ chúbîn chòe chia̍hsi̍t;
　　　祂亦 要 用 好 的 麥 給 子 民 做 吃 食；

16b　　　Góa iā beh ēng tùi chio̍hpôaⁿ chhut ê bi̍t,
　　　　　我 也 要 用 對 石 磐 出 的 蜜，
　　　　hō͘ in chia̍h pá koh tiⁿbi̍t .
　　　　　使 伊 食 飽 又 甜 蜜。