《押韻啟應詩篇》

 | | | 轉寄

台語押韻啟應詩篇 89b

作者 Tīⁿ Jîgio̍k 2007.10.28

89　　Ísula̍hlâng Íthàm kàsī ê si .

25a　Góa beh hō͘ i ê chhiú chhun kàu hái ;
　　　我 要 使 他 的 手 伸 到 海；

25b　　　Chiàⁿchhiú chhun kàu chiahê hô ê kaukài.
　　　　　正 手 伸 到 諸 些 河 的 交 界。

26a　I beh chhengho͘ Góa kóng, Lí sī góa ê pē,
　　　他要 稱 呼 我 講， 你 是 我 的 父，

26b　　　Sī góa ê Siōngtè , sī kiù góa ê chio̍hpôaⁿ ê soaⁿchē.
　　　　　是 我 的 上 帝，是 救 我 的 石 磐 之 山 寨。

27a　Góa ia̍h beh siatli̍p i chòe tōakiáⁿ,
　　　我 亦 要 設 立 他 做 大 子，

27b　　　Chòe sèchiūⁿ tē itkoân ê kunông ê miâ.
　　　　　做 世 上 第 一 高 的 君 王 的 名。

28a　Góa beh ūi tio̍h i póchûn Góa ê chûài kàu éngoán;
　　　我 要 為 著 他 保 存 我 的 慈 愛 到 永 遠；

28b　　　Góa kap i só͘ li̍p ê iok, tekkhak bô ōaⁿkhoán.
　　　　　我 與 他 所 立 的 約，的 確 無 換 款 。

29a　Góa ia̍h beh póchûn i ê hō͘è kàu tāitāi;
　　　我 亦 要 保 存 他的 後 裔 到 代 代；

29b　　　Hō͘ i ê póchō chhinchhiūⁿ thiⁿ ê kú éngchāi.
　　　　　使 他的 寶 座 親 像 天 的 久 永 在。

30a　Siatsú i ê kiáⁿsun pàngsak Góa ê lu̍thoat;
　　　設 使 他 的 子 孫 放 捨 我 的 律 法；

30b　　　　Bô kiâⁿ Góa ê hoattō͘ lâi tôthoat;
　　　　　無 行 我 的 法 度 來 逃 脫 ；

31a　Pōebiū Góa ê lu̍tlē ,
　　　悖 謬 我 的 律 例，

31b　　　Bô siú Góa ê kàibēngê ;
　　　　　無 守 我 的 誡 命 的；

32a　Góa chiū beh ēng koái'á chekhoa̍t in ê kèsit ;
　　　我 就 要 用 枴 仔 責 罰 伊 的 過 失；

32b　　　Ēng piⁿ chekhoa̍t in ê chōeok chi̍tpit chi̍tpit .
　　　　　用 鞭 責 罰 伊 的 罪 惡 一 筆 一 筆。

33a　Chóngsī Góa tekkhak bô chiong Góa ê chûài itchīn tùi i siuhôe;
　　　總 是 我 的 確 無 將 我 的 慈 愛 一 盡 對 他收 回；

33b　　　Ia̍h tekkhak bô hō͘ Góa ê sìnsi̍t chokhòe.
　　　　　亦 的 確 無 使 我 的 信 實 作 廢。

34a　Góa tekkhak bô sit góa ê iok,
　　　我 的 確 無 失 我 的 約，

34b　　　Ia̍h bô kóeōaⁿ Góa ê chhùi só͘ kóng ê ioksok.
　　　　　亦 無 改 換 我 的 嘴 所 講 的 約 束。

35a　Góa chi̍tpái kí kakī ê sèngkiat lâi sèiok.
　　　我 一 次 指 自 己 的 聖 潔 來 誓 約。

35b　　 Góa koattoàn bô khìsak kap Tāipi̍t ê sèiok.
　　　　　我 決 斷 無 棄 捨 和 大 闢 的 誓 約。

36a　I ê hō͘è beh thoân kàu éngoán bōetitthang sǹg;
　　　他的 後裔 要 傳 到 永 遠 不 得 通 算；

36b　　　I ê póchō tī Góa ê bīnchêng, chhinchhiūⁿ ji̍t ê kútn̂g;
　　　　　他的 寶 座 在 我 的 面 前， 親 像 日 的 久 長；

37a　Ia̍h chhinchhiūⁿ ge̍h kiànli̍p bô thêng.
　　　亦 親 像 月 建 立 無 停。

37b　　　Koh chhinchhiūⁿ thiⁿténg khaksi̍t ê kanchèng.
　　　　　又 親 像 天 頂 確 實 的 干 證。

38a　Chóngsī Lí ū siūkhì Lí ê siūboahiûê ,
　　　總 是 你 有 怒 氣 你 的 受 抹 油 者，

38b　　　Iàmchiān khìsak i , hō͘ i sitsè .
　　　　　厭 賤 棄 捨 他，使 他 失 勢。

39a　Lí í keng iàmò͘ⁿ kap Lí ê lô͘po̍k só͘ li̍p ê iok,
　　　你 已 經 厭 惡 和 你 的 奴 僕 所 立 的 約，

39b　　　Chiong i ê biánliû chauthat tī tōeni̍h chòe kiatkio̍k.
　　　　　將 他 的 冕 旒 糟 蹋 在 地 裡 做 結 局。

40a　Lí í keng thiah i itchhè ê lî pa hō͘ in pháiⁿ,
　　　你 已 經 拆 他 一 切 的 籬 笆 使 伊 壞，

40b　　　Hō͘ i ê hōesó͘ pìⁿ chòe phahng ê só͘chāi.
　　　　　使 他 的 會 所 變 做 拋 荒 的 所 在。

41a　Kèlō͘ lâng lóng chhiúⁿthe̍h i ;
　　　過 路 人 攏 搶 提 他；

41b　　　I chiâⁿchòe kehpiah kok só͘ lêngjio̍k ê chhiòpìⁿ.
　　　　　他 成 做 隔 壁 國 所 凌 辱 的 笑 柄。

42a　Lí hō͘ i ê tùite̍k ê chiàⁿchhiú kia̍h koân.
　　　你 使 他 的 對 敵 的 右 手 舉 高。

42b　　　Hō͘ i ê kiûsiû lóng hoaⁿhí sengkoân.
　　　　　使 他 的 仇 讎 攏 歡 喜 升 高。

43a　Lí hō͘ i ê tokiàm tómî kiànsiàu,
　　　你 使 他 的 刀 劍 倒 鋩 見 誚，

43b　　　Hō͘ i tī kauchiàn ê sî khiābōetiâu.
　　　　　使 他在 交 戰 的 時 立 不 住。

44a　Lí hō͘ i ê ênghián bôkhì,
　　　你 使 他 的 榮 顯 無 去，

44b　　　Chiong i ê póchō chhiató tī tōeni̍h.
　　　　　將 他 的 寶 座 推 倒 在 地 裡。

45a　Lí kiámchió i chhengliân ê ji̍tchí;
　　　你 減 少 他 青 年 的 日 子；

45b　　　Koh hō͘ i móamóa kiànsiàu sitchì .
　　　　　又 使 他 滿 滿 見 誚 失 志。

46a　Iâhôhoa ah , Lí beh jōakú kakī hongso̍h,
　　　耶 和 華 啊， 你 要 偌 久 自 己 封 鎖，

46b　　　Kàu éngoán mah?
　　　　　到 永 遠 嗎？

46c　Lí ê siūkhì chhinchhiūⁿ hé to̍h,
　　　你 的 怒 氣 親 像 火 to̍h，

46d　　　Beh jōakú lah?
　　　　　要 偌 久 啦？

47a　Kiû Lí kìtit góa ê sîkan,
　　　求 你 記 得 我 的 時 間，

47b　　　Cháiⁿiūⁿ hiah té koh chió lah !
　　　　　怎 樣 許 短 又 少 啦！

47c　Lí chhòngchō itchhè ê lâng tī sèkan,
　　　你 創 造 一 切 的 人 在 世 間，

47d　　　Hō͘ in kàu hiah khanghu lah !
　　　　　使 伊 到 許 空 虛 啦！

48a　Símmi̍hlâng ōe tn̂gtn̂g oa̍h, bô kìⁿ tio̍h sí lah,
　　　甚 麼 人 會 長 長 活，無 見 著 死 啦，

48b　　　Ōe kiù i ê lênghûn thoatlī imkan ê koânpèng lah ?
　　　　　會 救 他 的 靈 魂 脫 離 陰 間 的 權 柄 啦？

49a　Chú ah , lí chêng pîn Lí ê sìnsi̍t, tùi Tāipi̍t só͘ ioksokê ,
　　　主 啊，你 前 憑 你 的 信 實，對 大 闢 所 約 束 的，

49b　　　Hiahê chûài taⁿ tī tó ūi leh ? 　　
　　　那 些 慈 愛 今 在 哪 位 咧？

50a　Chú ah , kiû Lí kìliām Lí ê lô͘po̍k só͘ siū ê lêngjio̍k,
　　　主 啊，求 你 記 念 你 的 奴 僕 所 受 的 凌 辱，

50b　　　Kì liām góa cháiⁿiūⁿ chûn tī góa simlāi ê khutjio̍k;
　　　　　記 念 我 怎 樣 存 在 我 心 內 的 屈 辱；
　　　　　It chhè kiôngsēng ê pehsìⁿ ê lêngjio̍k.
　　　　　一 切 強 盛 的 百 姓 的 凌 辱。

51a　Iâhôhoa ah , Lí ê tùite̍k teh lêngjio̍k,
　　　耶 和 華 啊， 你 的 對 敵 在 凌 辱，

51b　　　Chiūsī teh tuikóaⁿ Lí siū boahiûê ê chongchek beh bújio̍k.
　　　　　就 是 在 追 趕 你 受 抹 油 者 的 蹤 跡 要 侮 辱。

52a　Tio̍h o ló Iâhôhoa kàu éngoán bô thêng,
　　　著 讚 美 耶 和 華 到 永 遠 無 停，

52b　　　A bēng, koh A bēng.
　　　　　阿 們， 又 阿 們。