《押韻啟應詩篇》

 | | | 轉寄

台語押韻啟應詩篇 91

作者 Tīⁿ Jîgio̍k 2007.11.11

91

1a　Tiàmtī Chìkoânê ê únba̍t só͘chāiê ,
　　站 在 至 高 者 的 隱 密 所 在 者，

1b　　　Hitê lâng beh khiākhí tī Choânlêngê ê ìmńg ē .
　　　　彼 個 人 要 khiā 起 在 全 能 者 的 蔭 影 下。

2a　Lūnkàu Iâhôhoa góa beh kóngê ,
　　論 到 耶 和 華 我 要 講 的，

2b　　　I sī góa tôsiám ê thó͘tē , sī góa ê soaⁿchē;
　　　　祂是 我 逃 閃 的 土 地，是 我 的 山 寨；

2c　Sī góa ê Siōngtè ,
　　是 我 的 上 帝，

2d　　　Góa só͘ óakhòê .
　　　　我 所 倚 靠 者。

3a　In ūi I beh kiù lí thoatlī tng chiáu'á ê lôbāng,
　　因 為 祂 要 救 你 脫 離 抓 鳥 仔 的 羅 網，

3b　　　Kap to̍khāi ê une̍k hāithâng.
　　　　及 毒 害 的 瘟 疫 害 蟲。

4a　I beh ēng I ê si̍tkó͘ âⁿ lí ,
　　祂 要 用 祂 的 翅 股 攔 你，

4b　　　Lí beh bih tī I ê si̍t ē bōe sí ,
　　　　你 要 匿 在 祂 的 翅 下 不 死，

　　　　I ê sêngsi̍t sī tōa sòe tînpâi ê pópì . 　　　　
　　　　祂的誠 實 是 大 小 盾 牌 的 保 庇。

5a　Lí m̄ bián kiaⁿ mîkan ê kiaⁿhiâⁿ,
　　你 不免 驚 暝 間 的 驚 惶，

5b　　　Á sī ji̍tsî teh pe ê chìⁿiáⁿ.
　　　　抑 是 日 時 在 飛 的 箭 影。

6a　Ia̍h bián kiaⁿ o͘àmtiong liûhêng ê une̍k choa̍tchèng,
　　亦 免 驚 黑 暗 中 流 行 的 瘟 疫 絕 症，

6b　　　Á sī ji̍t tiongtàu bia̍tbô lâng ê to̍kchèng.
　　　　抑 是 日 中 晝 滅 無 人 的 毒 症。

7a　Ū chhenglâng leklo̍hkhì tī lí ê sinpiⁿ,
　　有 千 人 慄 落 去 在 你的 身 邊，
　　ū bānlâng leklo̍hkhì tī lí ê chiàⁿpêngpiⁿ,
　　有萬 人 慄 落 去 在 你的 右 傍 邊，

7b　　　Che ia̍h bōe óakūn lí .
　　　　這 亦 不 倚 近 你。

8a　Putkò lí ōe chhinba̍k khòaⁿkìⁿ,
　　不 過 你 會 親 目 看 見，

8b　　　Ia̍h khòaⁿkìⁿ pháiⁿlâng siū pòèng ê sî .
　　　　亦 看 見 歹 人 受 報 應 的時。

9a　Inūi Iâhôhoa Lí sī góa tôsiám ê só͘chāi;
　　因 為 耶 和 華 你 是 我 逃 閃 的 所 在；

9b　　　Lí bat ēng Chìkoânūi chòe lí khiākhí ê só͘chāi;
　　　　你 曾 用 至 高 位 做 你 居 起 的 所 在；

10a　Chiū chaihāi bōe kàu tī lí ,
　　　就 災 害 不 到 在 你，

10b　　　Une̍k ia̍h bōe óakūn lí ê pò͘pîⁿ.
　　　　　瘟 疫 亦 不 倚 近 你的 布 棚。

11a　In ūi I beh ūi tio̍h lí hoanhù I ê sùchiá,
　　　因 為 祂 要 為 著 你 吩 咐 祂 的 使 者，

11b　　　Tī lí itchhè ê lō͘ póhō͘ lí ê sìⁿmiā.
　　　　　在 你 一 切 的路 保 護 你的 性 命。

12a　I beh ēng chhiú hû lí ê io ,
　　　祂 要 用 手 扶 你的 腰，

12b　　　Biántit lí ê kha tak tio̍h chio̍h.
　　　　　免 得 你 的 腳 觸 著 石。

13a　Lí beh ta̍h sai kap to̍kchôa,
　　　你 要 踏 獅 及 毒 蛇，

13b　　　Lap sai'á thûn í ki̍p tōabé chôa.
　　　　　蹋 獅 仔 屯 以 及 大 尾 蛇。

14a　In ūi i chin thiàⁿ Góa,
　　　因 為 他 真 愛 我，

14b　　　Góa chiū beh kiù i bô soah.
　　　　　我 就 要 救 他 無 息。

14c　In ūi i bat Góa ê miâ,
　　　因 為 他 識 我 的 名，

14d　　　Góa chiū beh antì i tī koân ê só͘chāi, hō͘ i hó miâsiaⁿ.
　　　　　我 就 要 安 置 他 在 高 的 所 在，使 他 好 名 聲。

15a　I kiûkiò Góa, Góa chiū beh ìni ;
　　　他求 叫 我， 我 就 要 應 他；

15b　　　I tī gûikip ê sî , Góa beh kap i khiākhí ;
　　　　　他在 危 急 的 時，我 要 與 他 khiā 起；
　　 　　Góa beh kiù i , hō͘ i chunkùi siū kúkhí.
　　　　　我 要 救 他，給 他尊 貴 受 舉 起。

16a　Góa beh ēng tn̂g hòesiū hō͘ i móachiok,
　　　我 要 用 長 歲 壽 給 他 滿 足，

16b　　　Hō͘ i khòaⁿkìⁿ Góa ê kiùun teh kèsio̍k.
　　　　　給 他 看 見 我 的 救 恩 在 繼 續。