《台語荒漠甘泉（全羅版）》

 | | | 轉寄

"Be̍któ, Chēngchēng siūⁿ"

作者 陳清俊 翻譯 2006.12.24

listen






Cha̍pjī ge̍h jīcha̍psì ji̍t

"Ji̍t beh àm, Ísat chhutlâi tī chhânnih, chēngchēng teh siūⁿ;" (Chhòngsèkì 24:63)

Kású lán ēng khah chōe ê sîkan tanto̍k chi̍tlâng, lán ōe piàn kohkhah hó ê kitoktô͘. Si̍tchāi, lán nā ēng khah chōe ê sîkan tanto̍k kap Siōngtè chēngchēng siūⁿ, lán ê sêngchiū beh ná kethiⁿ. Sèkan ê sū chiàm lán chinchōe sîkan, lán ū chi̍t chióng chhògō͘ ê koanliām, chiūsī lán nā bô chhinchhiūⁿ kanlok ti̍tti̍t pháng, cháulâi cháukhì, bôêng chhihchhih, lán chiū bōe thang sêngchiū. Lán bô siongsìn tī chhiū kha chēngchēng siuióng sī tiōngiàu ê sū. Chòe chi̍t ê Siōngtè ê kiáⁿjî, lán piàn chòe chin si̍tchè. Lán siongsìn "thih nā bô tī hélô͘, á sī thihtiam" chiūsī lōnghùi sîkan. Chóngsī lán nā the̍hchhut chi̍ttiap'á kú ê sîkan lâi be̍ksióng, lâi kap Siōngtè kóngōe, lâi gióngbōng thiⁿténg, che sī tùi lán siōngtōa ê līek. Lán bô chin chōe kihōe ōe poahchhut lán ê sîkan, hō͘ simlêng oânchoân phahkhui, thang chiapsiū Siōngtè só͘ beh sù sio̍klêng ê susióng kap le̍kliōng.

Ū lâng kóng, "Be̍ksióng sī simlêng ê lépàiji̍t." Khaksi̍t ūiáⁿ, tī lán bôêng chhihchhih ê sengoa̍h tiong, engkai hō͘ lán ê simlêng ū lépàiji̍t, pàng hē kangchok, chēng lo̍h lâi, ǹg thiⁿ. Tī Chú ê bīnchêng tiánkhui lán ê sim, chhinchhiūⁿ Kitiân ê iûⁿmn̂g chi̍tiūⁿ, hō͘ thiⁿténg ê lō͘chúi sip kàu tâmtâmtâm. Lán engkai ū chit chióng ê khongkan, símmi̍h mā m̄ chòe, símmi̍h mā m̄ siūⁿ, símmi̍h mā m̄ kèōe, chíū tó tī tōa chūjiân chhiⁿchhùi ê só͘chāi "hioh chi̍t ē" (Mákhó 6:31).

Chit chióng ê sîkan pēng m̄ sī lōnghùi, lia̍hhîlâng ài ū sîkan lâi pó͘ hîbāng, chāi i, che m̄ sī lōnghùi. Chohsitlâng ài ū sîkan bôa i ê liâm'á, i ê kangkhū, iā m̄ sī lōnghùi. Hiāntāi ê lâng, iûkî sī to͘chhī lâng, ài o̍h Ísat ê bô͘iūⁿ, siôngsiông kàu chhânchng, līkhui to͘chhī ê chháunāu, soanhoa, lâi kap tōa chūjiân chhinkūn. Ánni, Sim khuikhoah, lêng anchēng, sin kiānkhong. Tī chhâniá sàmpō͘, tī háipiⁿ liùta̍h, tī soaⁿphiâⁿ kiâⁿkiâⁿ leh, ōe sóe chheng simtiong ê utchut, lêng tit chhengsin ê hílo̍k kap ǹgbāng.

Hoânló, pàng hō͘ bōe kì,
Khì iágōa kap Siōngtè saⁿkìⁿ.

Sèngtàn mî ê chi̍t siú si:

Sehkéng chengsiaⁿ

Sèngtàn, Sèngtàn khoàilo̍k,
Chin chiàⁿ koh lâi lo̍h, khokkhokkhok,
Ū hoâiliām, ū ùibūn,
Ū hoaⁿhí, ū khó͘būn,
Hoanlo̍k koa ê siótiāu, ná kng tiong chi̍t ê iáⁿ
khoán
Chêngpek chhiū ki, liânkiat piànchòe sèngtàn
khoân,
Mî kan siokchēng bô hō͘ chhiòsiaⁿ phahloān,
Chhiⁿkng ē, sehténg kiâⁿ ê lêng'á siaⁿ teh thoân.

Sèngtàn, Sèngtàn khoàilo̍k,
Suijiân kîkan bô kú ōe kiatsok,
Iā ū chin chōe cha̍psiaⁿ chióngchióng,
Chham tī sèngtàn koasiaⁿ tiong,
Tio̍h thiaⁿ, in chhiùⁿkoa ê lōeiông,
Tio̍h khòaⁿ, in múi chi̍t lâng ê chhiòiông,
Bô thîkhàu, bô pisiong,
Chhiⁿkng ē, sehténg kiâⁿ ê lêng'á siaⁿ teh soan
iông.

Sèngtàn, Sèngtàn khoàilo̍k,
Sèngtàn chehkî kiatsok,
Bôiu bôlū hoanlo̍k ji̍tchí kèkhì,
Bô koh thêkhí.
Tānsī Sèngtàn, Sèngtàn ê hoaⁿhí,
Êngiāu kui tī Siōngtè ê sèngsi,
Tòa hō͘ lâng sin ê nî,
Kap Siōngtè hôhó ê hokkhì,
Pêngan hibāng jímnāi thiàⁿthàng sù bāncho̍k,
Chhiⁿkng ē, sehténg kiâⁿ ê lêng'á siaⁿ thoân
phiàn pangkok.
Frances Ridley Havergal

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw