《台語荒漠甘泉（全羅版）》

 | | | 轉寄

"Tùi sitpāi piàn sêngkong"

作者 陳清俊 翻譯 2009.01.18

listen
Chiaⁿ ge̍h cha̍ppoeh (It ge̍h cha̍ppoeh ji̍t)

"Kámsiā Siōngtè, siôngsiông tī Kitok teksèng, lâi chòethâu chhōa goán," (Ṳ Kolîmto 2:14)

Siōngtè siôngsiông tī khòaⁿ sī tehbeh sitpāi ê sî, tit tio̍h tōatōa ê sènglī. Te̍kjîn siôngsiông siūⁿ i sī sènglī lah, nāsī Siōngtè ínchún ánni hoatseng, jiânāu I ê kàiji̍p, chiong tùite̍k ê chokûi choánlìntńg, tùite̍k piáubīn ê sènglī soah oânchoân bôkhì. Ná Sèngkeng só͘ kóng, “To̍kto̍k pháiⁿlâng ê tōlō͘, hō͘ i oankhiau.” (Siphian 146:9) Kiatkó I hō͘ lán ê sènglī chhiaukè lán só͘ chai, só͘ siūⁿ ê.

Saⁿ ê Hipeklâi chhengliân siū hiat tī héiô ni̍h ê kò͘sū sī tāike só͘ se̍k ê lē. Te̍kjîn, beh hāi in ê lâng, piáubīn sī sènglī, inūi éngoa̍h ê Siōngtè ê po̍kjîn hiánjiân sī su lah. Lán mā ū chit lūi ê kengle̍k, lán siū phah pāi, tùite̍k teh hoaⁿhí. Lán thang thuisiūⁿ Tānílí ê chit saⁿ ê pêngiú só͘ siū ê tákek sī jōachiâⁿ chhim. Tī tùite̍k ê bīnchêng siū hiat ji̍p héiô lāi, tùite̍k teh khòaⁿ in beh siū sio sí. Bô phahsǹg saⁿ lâng tī hé tiong kiâⁿlâi, kiâⁿ khì, lóng bô tāichì, bô siūsio, hō͘ tùite̍k bīn soah leksek, tōa kiaⁿ. Nîpò͘kahnîsat ông hālēng in chhutlâi, beh hāi in ê lâng “saⁿkap chūchi̍p, khòaⁿkìⁿ hit saⁿlâng, hé bô la̍t thang hāi in ê sengkhu, in ê thâumn̂g iā bô sio tio̍h, saⁿkhò͘ bô piànōaⁿ, in iā lóng bô chhàuhébī….. inūi bô pa̍t ê Siōngtè ōe kiù lâng chhinchhiūⁿ ánni.” (Tānílí 3:27,29)

Piáubīn khòaⁿ sī sitpāi, kiatkó sī kîcheksèng ê sènglī.

Kású chit saⁿ lâng bīntùi kiông ê tùite̍k sitkhì sìnsim kap ióngkhì, hoat oàngiân, “Ūisímmi̍h Siōngtè bô beh kiù goán thoatlī héiô!” In ittēng siū sio sí, Siōngtè iā bô tit tio̍h êngiāu. Kin'áji̍t lán tú tio̍h tōa chhìliān ê sî, bo̍htit sêngjīm íkeng sitpāi, hoántńg khò sìnsim, thongkè Chú, lán beh khah iâⁿ. Inūi I beh hō͘ lí “Teksèng kàu ū chhun” (Lômá 8:37), hit ê êngkng ê sènglī chiū beh chhuthiān. Siōngtè hō͘ lán tú tio̍h kokchióng ê khùnkéng, sī beh hō͘ lán ū kihōe ha̍ksi̍p, chhauliān lán ê sìnsim ê kihōe, tùi ánni, tòa hō͘ lán tōa ê chiokhok, I ê miâ iā tōatōa tit êngkng. tùi “Oló ê sengoa̍h”


Sitpāi kap sènglī ōe iôchhíⁿ lāisim, hoatchhut êngkng,
Hong chhe Tōa chhiū, chhiūki ná chhun tn̂g,
Chhiūkun tèng ji̍pthô͘ ná chhim, ná hn̄g.
Kengkè tōa thòngsiong ê lêng, oló siaⁿ bōe tn̄g,
Khó͘lān khuikhoah simlêng, khoàilo̍k lo̍khn̂g.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com