《台語荒漠甘泉（全羅版）》

 | | | 轉寄

"Siauke̍k kap chekke̍k"

作者 陳清俊 翻譯 2009.02.22

listen

Jī ge̍h jījī (Jī ge̍h jīcha̍pjī ji̍t)

"Cháiⁿiūⁿ kóng, lí nā ōe ah? ū sìn ê lâng, ta̍k hāng lóng ōe." (Mákhó 9:23)

Chi̍t ê chhengliân lâng tī chi̍t pái ê chūhōe tiong thê chhut chit ê būntê, “Góa chóaⁿiūⁿ chiah ōe tùi Chú hia tit tio̍h góa só͘ suiàu ê pangchān?” Chi̍t ê khóài ê lāu o͘lâng chíbē, hôetap kah chiok hó.

Chitūi chíbē ēng i só͘ te̍kiú ê chusè ēng chhiú kí i kóng, “Lí ài siongsìn I íkeng pangchān lí, pangchān chūjiân chiū lâi lah.” Tōa pō͘hūn ê lâng sī kiû, khiok bô siongsìn só͘ kiû ê, ōe oânsêng, hoántńg khì siūⁿ kîthaⁿ ê pānhoat lâi pangchān Siōngtè. Iā kiò pa̍tlâng khì pangchān I, jiânāu tio̍hkip teh khòaⁿ Siōngtè ánchóaⁿ iáu m̄ chòe.

“Sìn” sī tùi Siōngtè kóng “ē sái” kap “àmen” chiū kàugia̍h. Kîthaⁿ ê lóng hòngsim hō͘ Siōngtè khì oânsêng I ê kang. Sìnsim sī “Tio̍h chiong lí ê tāichì kautài Iâhôhoa; koh óakhò I, I beh hō͘ i chiâⁿ.” (Siphian 37:5) tùi “Tī tē ná tī thiⁿ”

Kántan sìn I ê ōe,
Kámsiā kîtó tit tio̍h hôe,
Chú ìntap góa só͘ thê,
Góa sìn I ê thêhê.

Chekke̍k ê sìnsim sī tùi chi̍t ê sīmchì iáu bōe si̍thiān ê èngún chûn kámsiā, siongsìn Siōngtè ê èngún ná chhinchhiūⁿ chhiú the̍h tiâu hiānkim hiah khókhò ê khoán. Matthew Henry

Siauke̍k ê sìn sī chiapsiū Siōngtè ê ōe, bô hêngtōng.
Chekke̍k ê sìn khaisí khì chòe, lâi ìnchèng lóngchóng.

Siauke̍k ê sìnsim kóng, “Góa sìn, Siōngtè ê ōe lóng sī chin, góa chai I bōe kóng I só͘ bōe, á sī m̄ goān, chòe ê kang. I kiò góa hiòng chêng kiâⁿ, chóngsī góa khòaⁿ tio̍h thâuchêng sī bô lō͘. Hôchúi nā punkhui, góa beh kínkín ji̍p Kalâm tē. Chú tùi góa kóng, “khílâi, the̍h lí ê pho͘'á tńgkhì.” iā thiaⁿ tio̍h “chhun chhut lí kota ê chhiú!” Tng góa théla̍t khah chōe ê sî, góa chai góa ittēng ōe khiā khílâi. Tng góa ū goânkhì ê sî, góa ōe khinsang lâi ēng góa ê chhiú. Tio̍h, góa chai “Siōngtè sī choânlêng,” chin goānì sêngchiū che itchhè. Góa siongsìn I ê múi chi̍t ê èngún beh tī góa ê sinchiūⁿ si̍thiān.”

Chekke̍k ê sìnsim kóng, “Góa siongsìn, góa beh lia̍htiâu che èngún, góa chhimsìn Siōngtè ê múi chi̍t ê èngún beh si̍thiān. Góa káⁿ tōa pō͘ ta̍h ji̍p hô tiong, ōe hoathiān hôchúi ūi góa lâi punkhui. Hótáⁿ hiòngchêng khì tit hit ê tē, bô ū símmi̍h ōe chó͘tòng góa ê chìntián. Tio̍h, góa thiaⁿ I ê bēnglēng, góa khiā khílâi, itti̍t hiòng chêng, móasim hoaⁿhí. Góa ko͘ta ê chhiú chi̍t ē chhun chhut, chiū ōe oânchoân. I siú èngún, góa iáu ū símmi̍h goānbōng kap sukiû? Bô kiû khòaⁿ tio̍h sînjiah, iā bô piānlūn, inūi góa chai “Siōngtè lóng ōe” chin goānì sêngchiū che itchhè. Góa siongsìn múi ê èngún chit sî lóng beh si̍thiān.”

Siauke̍k ê sìn sī tī chhutji̍t ū kng ê sî oló. Chekke̍k ê sìn tī o͘àmmî iā oló sìnkhò. Lí ê sìn sī tó chi̍t hō?


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com