《台語荒漠甘泉（全羅版）》

 | | | 轉寄

"Hiseng lâi hoat kng"

作者 陳清俊 翻譯 2009.04.26

listen



Sì ge̍h jīla̍k (Sì ge̍h jīcha̍pla̍k ji̍t)

"Góa chinchiàⁿ khòaⁿ bān sū chòe súnhāi, inūi góa lia̍h bat góa ê Chú Kitok Iâso͘ chòe tē it hó." (Huili̍ppí 3:8)

Hoat kng lóng suiàu tāikè, Kng ê hoatchhut sī inūi sánseng kng ê mi̍h chòe hiseng. Chi̍t ki la̍hchek hē teh bōe hoat kng, la̍hchek ài seng sio, chiah ōe hoat kng chiò tāike. Lán kakī nā bô hù tāikè, tùi pa̍t lâng chiū bô símmi̍h lō͘ēng. Sio chiūsī ài siūkhó͘ hiseng, chóngsī lán lâng lóng ài pībián khó͘thàng.

Tng lán sinthé ióngchòng, ló͘le̍k chòe sū, lán ê sim kap chhiú bô êng tī ho̍kbū sèkan, lán beh kámkak tùi sèkài ū kònghiàn. Nāsī lán thàngthiàⁿ, siūkhó͘, phòapīⁿ, itchhè ê oa̍htāng thêngchí, lán beh kámkak bô lō͘ēng, bô símmi̍h sêngchiū.

Tānsī lán nā ōe jímnāi, koh khiampi, lán ê siūkhó͘, thàngthiàⁿ, beh pí lán kakī jīmûi chòe siōng úitāi ê kang kohkhah ōe chōhok jînkûn, kohkhah ōe chōhok sèkài. Inūi hit sî, lán teh sio kakī, hoat hé hoat kng, chin chhànlān. tùi "àmmî ê susióng"

Bêngji̍t ê êngkng sī tùi kimji̍t ê lôkhó͘ lâi ê.

Chinchōe lâng bô ài pē si̍pjīkè, khiok ài tit êngiāu, bô ài kengkè sio ê hé khiok ài tit kngbêng. Chóngsī beh tit êngiāu ê biánliû tāiseng ài pī tèng si̍pjīkè.

Lí bat thiaⁿ tio̍h tn̂gnîchhiū,
Sengtióng tī ū ji̍t ê tē chiūⁿ,
Tiāmtiām sengtióng chiâⁿ pah nî,
Chiah kàu khuihoe ê sîkî,
I ê téngbīn chhuthiān tōa hoethâu,
Khui chi̍t chhenglúi ê hoepau.
Hoe ông, tōa khui, kohchài ōng
Siōng súi, jia̍ttài chhiū chi kong,
Tùi chhiū púnsin sī hiseng,
Inūi khui liáu chiū síbông.

Lí bat thiaⁿ tio̍h tn̂gnîchhiū,
Siⁿ tī thàiiông chhiongchiok tē tài,
Chi̍t chheng lúi hoe ê múi chi̍t lúi,
Khuihoe sîkî laklo̍hlâi,
Chiâⁿ chòe siósió ê siníⁿ,
Tèngkun tī hit só͘chāi,
Tùi beh sí lāu chhiū punlī,
Másiōng sengtióng chin khóài,
Sí khì, piàn chi̍t chheng ki,
Chiâⁿchòe siàuliân ê chi̍t tāi.

Lí beh thiaⁿ tōachhùigô kò͘sū ê súi,
Siⁿ tī Huichiu hongiá bô lâng khì;
Ko͘to̍k sengoa̍h ê chiáulūi,
Thiàⁿsioh chiàukò͘ i kiáⁿjî;
Tùi hn̄ghn̄g soaⁿ tòa lâi chúi,
Tùi háini̍h lia̍h hî lâi chhī,
Kihng sî, ēng kakī ê bah kap huih,
Ūi kiáⁿ sengchûn, kakī sí.

Siōng kámtōng ê sū, kiám bat thiaⁿkìⁿ?
Hit ūi sèngkiat chinsi̍t ê, hiseng kakī,
I suijiân sí, I ê oa̍hmiā oa̍h tī bûsò͘ lênghûn ni̍h,
Chiong sèkài tn̂gtn̂g ōaⁿsin ū oa̍hkhì.
I ê chéngchí phiàn iā choân sèkài, ta̍k sèkí,
Ná chhinchhiūⁿ móamóa ê thiⁿchhiⁿ.
I ê kàsī, tùi “sìⁿmiā ê thiàⁿ” lâi hòngkhì,
Sī ūi tio̍h “thiàⁿ ê sìⁿmiā” tit kohkhí;
I sit, lán tit, I sí lán siⁿ,
Ba̍ksái piàn hoaⁿhí, thòngkhó͘ chiâⁿ hôkhì.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com