《台語荒漠甘泉（全羅版）》

 | | | 轉寄

"Lênghûn ê phínchit"

作者 陳清俊 翻譯 2009.05.31

listen


Gō͘ ge̍h samit (Gō͘ ge̍h saⁿcha̍pit ji̍t)

"Lí beh hèsiū móachiok chiah kui bōng, chhinchhiūⁿ tiūkhún kàusî siukhǹg." (Iokpekkì 5:26)

Ū tùi kū bo̍kchûn lâi hôesiu i ê chhâliāu ê lâng kóng, chengka chûn ê bo̍kliāu phínchit ê goânin m̄ nā sī i ê sîkan, iā ài ū háichúi tùi i ê aple̍k, niúchoánle̍k, chûnté chúi ê hòaha̍k chokiōng, kap só͘ chài ê hèbu̍t lâi koattēng.

Kúi nî chêng, tī Niúiok Buló͘óe (New York, Broadway, siōng nāujia̍t ê chi̍t tiâu khoelō͘) chi̍tkeng chhutmiâ ê kakū tiàm, tiánlám chhut poehcha̍p nî kūchûn só͘ chhú lo̍h lâi ê siōngba̍k, hō͘ lâng chùba̍k ê sī I ê sektì, bûnlō͘ iubí koh hókhòaⁿ. Siângkhoán ū chi̍t tè la̍kcha̍pnî kiâⁿchûn ê tōaniû thôhoesim ba̍k, inūi tn̂gkî ê kiâⁿchûn, hō͘ chit tè bo̍kliāu ê khìkhang piàn sòe, sektì piàn chhim, khòaⁿ khílâi ná chhinchhiūⁿ Tiongkok hoekan hiahnih kngku̍t. Āulâi chit tè bo̍kliāu chòe chiâⁿ chi̍t ê tûkūi, khǹg tī chi̍t ê hógia̍h lâng khehthiaⁿ siōng iáⁿba̍k ê só͘chāi.

Ū ê lâng kèliáu bô ìgī, chūngó͘ hòngchhiòng, bô siáⁿ lō͘ēng ê sengoa̍h, koh ū ê lâng kiâⁿchûn kengkè tōa honglōng, ūnpoaⁿ hèbu̍t, pē tāngtàⁿ, sī Siōngtè ê lô͘po̍k, pa̍tlâng ê pangchānchiá. Chit nn̄g chióng lâng ê sò͘chit chiū ū tōatōa ê hunpia̍t. Āubīn chit chióng lâng suijiân ū sengoa̍h ê aple̍k, chóngsī in ê sèngkeh lāi, múi chi̍tki mn̂g iā lóng suhji̍p khì hèbu̍t ê phangbī. Louis Albert Banks

Bûnha̍kka, Hugō (Victor Hugo) poehcha̍p gōa hè ê sî, chiong I ê sìnsim piáuta̍t kah chiahnih súi: “Tī góa ê lênghûn lāi, góa kámkak tio̍h chionglâi ê sìⁿmiā ê chèngkù. Góa chhinchhiūⁿ chi̍t phìⁿ chhiūnâ siū chhò putchí chi̍tpái, chóngsī sin hoatchhut ê pí kūê kohkhah ū oa̍hla̍t. Ji̍tthâu tùi téngbīn chiò, góa ǹg téngbīn sengtióng, hoattián. Tē hō͘ góa êngiónghun, thiⁿténg ê kng kā góa chiòbêng bōebat ê sèkài.

“Lâng kóng lênghûn chí putkò sī jio̍kthé le̍kliōng ê chokiōng. Nāsī ánni, thàiōe góa ê sinthé chiāmchiām soejio̍k, góa ê lênghûn hoántńg lú ū konghui? Suijiân góa ê náule̍k tī tangthiⁿ, chóngsī góa ê sim sengkhí ná chhunthiⁿ. Tī góa nîlāu chit ê sî, góa phīⁿ tio̍h chítenghiong, chísekhoe, mûikùi ê phangbī, kap góa tī jīcha̍p hè ê sî siângkhoán. Góa ná chiapkūn lútô͘ ê béchām, ná chhengchhó, ná bêngpe̍k éngoán sèkài ê kauhióngkhek ê iauchhiáⁿ. Che sī thang kèngùi koh chin kánbêng ê sū.”

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com