《台語荒漠甘泉（全羅版）》

 | | | 轉寄

"Lâng khòaⁿ bōe tio̍h ê ūi kangchok"

作者 陳清俊 翻譯 2009.06.21

listen


La̍k ge̍h jīit (La̍k ge̍h jīcha̍pit ji̍t)

"lâng thiaⁿkìⁿ I tī chhùlāi." (Mákhó 2:1)

Sianô͘ tī chúi té khíchō sianô͘ chio̍h, in lóng bô siūⁿ tio̍h sī ūi tio̍h chi̍t ê tósū teh chō tē ki. Ū chi̍t ji̍t, chit ê tósū beh ū tōngbu̍t, si̍tbu̍t, iā sī Siōngtè kiáⁿjî chhutsì ê só͘chāi, beh hióngsiū kap Kitok saⁿtâng chòe hō͘sû (Lômá 8:17) ê éngoán êngiāu.

Chhinài ê pêngiú, kású tī Siōngtè ê tōa kuntūi tiong, lí ê ūi sī tī únba̍t, bô bênghián ê só͘chāi, m̄ thang hoat oàngiân, sē sē liām. M̄ thang ûipōe I ê chíì, sûipiān līkhui I só͘ kā lí hē ê só͘chāi. Àikìtit, bô sianô͘, hit só͘chāi chiū éngoán bōe hêngsêng chi̍t ê tó. Siōngtè ōe tiàu chi̍t kóa lâng lâi chòe sio̍klêng ê sianô͘. I chhē kiû hiahê goānì tī lâng khòaⁿ bōe tio̍h ê só͘chāi kangchok. Chóngsī in ê só͘ chòe tī thiⁿténg sī khòaⁿ chin bêng, iā sī siū Sènglêng só͘ chichhî ê.

Ū chi̍t ji̍t Iâso͘ beh panchióng, ū ê lâng kîkoài lí ū chukeh tit chióng, suijiân in lóng bōe bat thiaⁿkìⁿ lí. Tānsī àichai, Siōngtè sī bōe m̄ tio̍h ê.

Tng lí khiā tī chhiongthu̍t lāi, hia sī lí ê só͘chāi,
Lí siūⁿ kóng lí bô lō͘ēng, bián ng lí ê bīn, ióngkám khiāchāi,
Siōngtè hē lí tī hia ū bo̍kte̍k, putkoán símmi̍h anpâi,
I só͘ phài hō͘ lí ê, tiongsim khì chòe sī engkai. Sìnkhò I, chongpī lí ê chiànkah, bô lūn kangchok á hiohkhùn,
Bô hoâigî tī hia, Siōngtè lō͘ siōng hó koh ún.
Bôlūn sī chiàntàu á siúbōng, kiantēng sêngsi̍t unkhûn,
Che sī Chú hō͘ lí só͘ tio̍h chòe ê un.

Tng lán pêngpêng anan līkhui chèng sìntô͘ oehkhoeh ê só͘chāi, á sī be̍ksióng tī soaⁿténg ê thégiām, á sī līkhui kap "chiâuchn̂g ê gīlâng" (Hipeklâi 12:23) hó koh pangchān ê iúgî kauthong ê kihōe, khì kàu lán hit ê siósió ê Ímángó͘ ê tē hng, á sī khì kàu hō͘ lâng hoânló ê Kolôse kàuhōe, sīmchì kàu tī hn̄ghn̄g ê Mákîtùn ê só͘chāi. Lán thang ansim tit póchèng, bô lūn Siōngtè hē lán tī toh chi̍t ê só͘chāi, I íkeng tēng hō͘ lán kéngkài, jīnbēng lán chòe hit só͘chāi thoântō kangtiâⁿ, lán beh tī hia tit sènglī. Northcote Deck

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com