《台語荒漠甘泉（全羅版）》

 | | | 轉寄

"Éngoán chûnchāi tī sinpiⁿ"

作者 陳清俊 翻譯 2009.09.06

listen


Káu ge̍h chhoela̍k (Káu ge̍h la̍k ji̍t)

"to̍kto̍k lí kútn̂g tīteh." (Hipeklâi 1:11)

Sèchiūⁿ chin chōe lâng ko͘toaⁿ chē tī hélô͘ piⁿ, piⁿ'á ū chi̍ttè í'á, íchêng ū lâng chē kè, taⁿ khangkhang, bōe kìmtit lâu chhut ba̍ksái. In siôngsiông ko͘toaⁿ chē, chóngsī in bô siūⁿ tio̍h chi̍t ê khòaⁿbōe tio̍h ê lâng, chiū tī sinpiⁿ. M̄ chai símmi̍h goânin, in khiok bô kámkak tio̍h I ê tôngchāi. Ōe kámkak tio̍h ê lâng ū hokkhì. Chóngsī chin chiósò͘, inūi sī koattēng tī in ê simchêng, kámchêng, sinthé chênghêng, kap thiⁿkhì. Gōabīn ê hō͘, kāubū, bô bîn, thàngthiàⁿ, lóng énghióng in ê simchêng, hō͘ in ê sīkak bôngbū, soah kámkak bōe tio̍h I ê tôngchāi.

Chóngsī iáuū chi̍t hāng pí kámkak khahhó khah ū hokkhì ê mi̍h, kap kokchióng ê khoânkéng bô koanhē, khiok siôngsiông kap lí tôngchāi. Chiūsī sêngjīn hit ê khòaⁿbōe tio̍h ê tôngchāi, I sī hiahnih kîbiāu, pêngchēng, anùi tìntēng koh unloán. Sêngjīn Chú ê tôngchāi, I chiū tī lí chia, tī lí sinpiⁿ. I ê tôngchāi sī chinsi̍t, tng lí sêngjīn che, ōe chengka lí khì kámkak ê lêngle̍k, tānsī choa̍ttùi m̄ sī khò kámkak.

Sī, m̄ nā sī chit ê chinlí ê chûnchāi, m̄ sī mi̍hkiāⁿ, sūsi̍t, á sī tînsoat, iáuū chi̍t ê Chú tī chia. I sī jia̍tsim ê pêngiú, choânlêng ê Siōngtè. Hō͘ aikhàu ê lâng ū hílo̍k ê chinlí, bôkoán i ūisímmi̍h lâi khàu, iā bôkoán in ê liúchhiū chai tī símmi̍h hô piⁿ (Siphian 137:12). Samuel Dickey Cordon

Góa cháchêng ê hoanlo̍k sitkhì,
Khahchá só͘ū ê châipó iā bôkhì,
Hō͘ góa iaugō ê sim ōe tit pá ê si̍thiān,
Sī, Chú ah, Lí sī tī chia, lóng bô piàn.

Khoechúi ōe ta, koh ōe tīⁿ,
Hiahnih hēnghok, honghù, chūiû ê iúgî,
Khongtiong ū ji̍t chiò iā ū hûn jiapì,
Chú ah, Lí sī tī chia, góa ê sim ū Lí.

Théla̍t soethè, khasng chhiúnńg,
Bōe thang koh ūi hoanlo̍k phunpháu phahsǹg,
Ūihô thó͘khùi, kuiji̍t iuchhiû bōetn̄g,
Chú ah, Lí sī tī chia, iáu ū siáⁿ khah kútn̂g?

Itseng ê ji̍tchí, pêngiú, iúgî, hílo̍k,
Tùi góa chōechió lóng chhiongchiok,
Pichhám bōetàng siong góa, góa iáu beh gîmsi,
Chú ah, Lí sī tī chia, góa ê sim ū Lí. J. Danson Smith


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com