《台語荒漠甘泉（全羅版）》

 | | | 轉寄

"Thènghāu"

作者 陳清俊 翻譯 2009.11.01

listen



Cha̍pit ge̍h chhoeit (Cha̍pit ge̍h it ji̍t)

"Hûn tī hōebō͘téng thêng... Íseklia̍t lâng chiū... bô khísin." (Bînsò͘kì 9:19)

Che sī sūnho̍k Siōngtè ê chòeko khógiām. Hûn nā chiāmchiām kńg khílâi tī hōebō͘ ê téngbīn, Íseklia̍t lâng chiū siusi̍p tiùⁿpâng khaisí hiòng chêng kiâⁿ. Ū káipàin, ū piànhòa, hō͘ lâng simsîn henghùn, iânlō͘ khòaⁿ bô siâng ê hongkéng, koh tī bô siâng só͘chāi chatiâⁿ, itchhè lóng sī hoaⁿhí ê.

Chóngsī itti̍t teh thènghāu bô khíkiâⁿ, chiū bô siângkhoán ê simchêng. "tng hûn thêngteh," putkoán chatiâⁿ ê só͘chāi bô hósè, jōachiâⁿ joa̍h, putkoán gûihiám tī sìchiuûi, in bô pa̍thāng soánte̍k, chí ū thêngteh bô îtāng.

Siphian ánni kóng, "Góa bat thunlún thènghāu Iâhôhoa, I àⁿ lo̍h ǹg góa, thiaⁿ góa ê kiûkiò." (Siphian 40:1) Siōngtè chóaⁿiūⁿ tùithāi kūiok sîtāi ê sèngtô͘, I iā siângkhoán ánni tùithāi le̍ktāi ê sìntô͘, chóngsī I siôngsiông ài lán thènghāu. Tng lán tī tùite̍k bīntùibīn ê thâuchêng, tī gûihiám kap kiaⁿhiâⁿ só͘ pauûi ê sî, tī bô kiankò͘ ê chio̍hpôaⁿ ē, lán kiám iáu beh thènghāu? Che kiám m̄ sī lán ài kínkín siusi̍p hênglí, tiùⁿpâng līkhui ê sî mah? Lán kiám iáubōe ta̍tkàu choânjiân tó lo̍hkhì ê tē pō͘ mah? Lán kiám bōe thang thoatlī kōaⁿ lâu móabīn ê joa̍h, chìnkàu "chhiⁿchhùi ê chháupo͘... thang anhioh ê chúipiⁿ," mah? (Siphian 23:2)

Siōngtè bô kóng ōe, chēngchēng, "hûn thêng tī hōebō͘ téng," lán pitsu thènghāu. Lán thènghāu, inūi lán thang khéngtēng Siōngtè ōe kiòngèng máná, kap tùi chio̍hpôaⁿ lâu chhut ê chúi, I ōe jiachah póhō͘ lán bô siū tùite̍k ê kongkek. Siōngtè hē lán tī hiānchāi ê ūitì, ittēng póchèng I ê tôngchāi, koh kiòngèng lán ji̍tsiông ê suiàu.

Siàuliân lâng ah, ài thènghāu, m̄ thang chhiongkông, loānloān káipài. Bo̍kchiá ah, khiā tī lí ê kangūi, ti̍tkàu hûnthiāu chhengchhó khaisí îtāng. Thènghāu Chú hō͘ lí I ê khoàilo̍k! I bōe siuⁿ bān! tùi "Múiji̍t lêngsiu"

Chi̍t tiámcheng ê thènghāu sī suiàu engkai,
Beh ta̍t kàu siōng koâiⁿ ê só͘chāi!
Góa khatbō͘ kàu hia, chóngsī kohkhah khatbō͘ chiàu I ê anpâi!

"Góa ê kiáⁿ ah, chēngchēng khiā,"
Thènghāu gîsim kiaⁿhiâⁿ ê lâng siausiā,
Góa khatbō͘ kàu hia, chóngsī kohkhah khatbō͘ sìnkhò I lâi kiâⁿ!

Chiapsiū sī hó, hùchhut iā sī hóì,
Kohkhah hó ê sī
Bôlūn tī hn̄gkūn, koâiⁿsoaⁿ chhimian, sìnkhò I ê chísī!



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com