《台語荒漠甘泉（全羅版）》

 | | | 轉寄

"Oh tamtng ê tàⁿ"

作者 陳清俊 翻譯 2009.11.15

listen


Cha̍pit ge̍h cha̍pgō͘ (Cha̍pit ge̍h cha̍pgō͘ ji̍t)

"siū tehtāng chin thiám kàu tng bōe khí." (Ṳ Kolîmto 1:8)

"hō͘ Kitok ê khùila̍t tòa tī góa." (Ṳ Kolîmto 12:9)

Siōngtè hō͘ Ngákok tī Piānílī bīntùi sìⁿmiā ê gûiki, i o̍h tio̍h oânchoân ê sūnho̍k, khiampi sêngkhún ǹg Siōngtè khúnkiû. Hit mî, i kap Siōngtè sioián, lia̍h tiâutiâu Siōngtè, tī chin gûihiám ê sî, hō͘ i ê sìnsim kap tùi Siōngtè ê jīnbat tōatōa chìnpō͘, hō͘ i ū le̍kliōng thang kè tiôngsin sènglī ê sengoa̍h.

Chú ài Tāipi̍t siū chin chōe nî ê khó͘chhó͘ hùnliān, lâi o̍h ōehiáu jīnbat Siōngtè ê choânlêng kap sìnsi̍t, iā chengka i sìnsim kap khiânsêng. Che sī chòe Íseklia̍t ông chòe huihông sūkang só͘ suiàu ê goânchek.

Pólô siū tio̍h siōng gûihiám ê khoânkéng, chiah o̍h tio̍h jīnbat Siōngtè èngún ê oânchoân ìgī. Che èngún sī "ū Góa ê un, lí chiū kàugia̍h." (Ṳ Kolîmto 12:9) Chíū kengle̍k tio̍h tiōngtāi ê chhìgiām kap gûihiám, chiah ōe hō͘ chi̍t pō͘hūn ê lâng, jīnbat Chú, sìnkhò Chú, iā tng suiàu ê sî, tùi I tit tio̍h chinchōe untián.

Khùnlân kap thâuchêng ê chó͘gāi sī tùi lán sìnsim ê thiauchiàn. Tī ho̍ksāi ê tōlō͘ tú tio̍h chó͘

gāi. Àichai, chiah ê chó͘gāi tònglō͘ sī sìnsim ê khìkū, lāibīn témóa Iâso͘ honghong hùhù ê untián. Tng lán pêng sìnsim oânchoân sìnkhò I hiòng chêng ê sî, lán khólêng siū tio̍h khógiām. Ūsî ài thunlún thènghāu, ài chai, "thunlún tio̍h hō͘ i kàu sêngkong." (Ngákok 1:4) Kàubé lán ōe hoatkiàn "chio̍h íkeng tùi bōngmn̂g kō khui." (Lō͘ka 24:2) Chú púnsin chúnpī hó teh tán, teh kîthāi, ūi lán ê khógiām lâi kapē sù hok. A. B. Simpson


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com