《台語荒漠甘泉（全羅版）》

 | | | 轉寄

"Tanto̍k"

作者 陳清俊 翻譯 2009.12.20

listen


Cha̍pjī ge̍h jīcha̍p (Cha̍pjī ge̍h jīcha̍p ji̍t)

"chóngsī góa m̄ sī kakī tīteh, inūi Pē kap góa tīteh." (Iokhān 16:32)

Bô pitiàu kóng, ūi tio̍h sìngióng ê si̍thiān tio̍h chòe chin tōa ê hiseng. Putkò tio̍h tùi bó͘ chióng lâng kap sū kehlī, ná chhinchhiūⁿ ū kámkak kîkoài ê sitlo̍h kap ko͘toaⁿ. Chi̍t ê lâng ōe chhinchhiūⁿ eng pe koâiⁿkoâiⁿ, tòa tī Siōngtè ê êngkng ē, engkai ōe móaì tī chi̍t chióng khak ko͘to̍k ê sengoa̍h.

Chiáulūi tiong, tōa eng sī siōng ko͘to̍k ê chiáu, lán m̄ bat khòaⁿ tio̍h eng kuikûn teh pe, iā chin lântit khòaⁿ tio̍h nn̄gchiah engchiáu chòehé tī khongtiong. Chi̍t ê hōnghiàn sìⁿmiā hō͘ Siōngtè ê lâng, lia̍h jīnbat Siōngtè, hióngsiū kap Siōngtè kauóng chòe khoàilo̍k, sī bô koán iânlō͘ ōe sitkhì jōachōe sèkan ê iúgî.

Siōngtè chhē kiû chhinchhiūⁿ eng ê hit chióng lâng. Lâng nā bōehiáu tanto̍k kap Siōngtè tângkiâⁿ, chiū tī i lêngsèng sengoa̍h bōethang chhionghun jīnbat Siōngtè siōnghó siōngsúi ê mi̍h. Lán khòaⁿ Apekla̍hhán tanto̍k tòa "Kalâm tōe, Lôtek khiākhí Pîⁿiûⁿ chiah ê siâⁿ, sóa i ê pò͘pîⁿ kàu Só͘tomá." (Chhòngsèkì 13:12) Mô͘se suijiân ū Aiki̍p só͘ ū ê tìsek, iáu tio̍h tanto̍k tī soabô͘ kap Chú tôngchāi sìcha̍p nî. Pólô suijiân ū chōechōe Hilia̍p ê tìsek, koh chòe "Kamália̍t ê ha̍kseng," (Sùtô͘ hêngtoān 22:3) tng tú tio̍h Iâso͘ liáuāu, chiū "to̍kto̍k khì Alatpek" (Kalia̍pthài 1:17) sengoa̍h tī soabô͘tē tanto̍k ǹg Siōngtè ha̍ksi̍p.

Goān lán hō͘ Siōngtè ko͘li̍p lán, m̄ sī chhinchhiūⁿ siutōīⁿ hitchióng ê kehlī, sī tī kehlī kenggiām tiong Chú tī lán lāibīn sánseng chi̍t chióng sengoa̍h kap sìnsim ê to̍kli̍p, simlāi bô koh óakhò pa̍tlâng ê pangchān, kîtó sìnsim ê kó͘lē kap chiàukò͘. Pa̍tlâng ê pangchān kap kó͘lē sī pitiàu, tī kitoktô͘ ê sêngtióng sī chin tiōngiàu, putkò tī bó͘ chi̍t ê sîchūn iā ōe hónggāi tio̍h sìnsim ê sêngtióng.

Siōngtè chai cháiⁿiūⁿ káipiàn lán ê khoânkéng hō͘ lán ko͘to̍k chi̍t lâng lâi pôeióng lán. Lán ittān sūnho̍k Siōngtè, tit tio̍h chit chióng ko͘to̍k ê kengle̍k, lán chiū bô koh óakhò lán chiuûi ê lâng, suijiân lán iáukú chhinchhiūⁿ kèkhì hiah nih thiàⁿ in. Jiânāu lán chiū jīnbat tio̍h, Siōngtè tī lán lāibīn chòe liáu chi̍t kiāⁿ sin ê sū, lán simlêng ê si̍tkó͘ íkeng o̍h ōehiáu pe ǹg khongtiong lah.

Lán pitsu ū ióngkhì káⁿ tanto̍k sengoa̍h. Chhinchhiūⁿ Ngákok pitsu tī tanto̍k chi̍t lâng, hō͘ Siōngtè ê sùchiá thang tī i ê hīⁿkhang piⁿ sòe siaⁿ kóng, "Lí ê miâ bô beh koh kiò Ngákok, beh kiòchòe Íseklia̍t." (Chhòngsèkì 32:28) Chhinchhiūⁿ Tānílí tanto̍k chi̍t lâng, chiah khòaⁿkìⁿ thiⁿténg lâi ê īⁿsiōng; Iokhān siū hòngtio̍k kàu Poa̍tmô͘ háitó, chiah ōe tit tio̍h hâm kìlio̍k "Iâso͘ Kitok ê khésī, chiūsī Siōngtè só͘ hō͘ i." (Khésīlio̍k 1:1)

I ūi tio̍h lán "kakī chi̍tê ta̍h chiúkhut." (Ísàia 63:3) Só͘í lán ū chúnpī chi̍t ê sîkan sī "êngiāu Siōngtè tanto̍k chi̍t lâng" (chhamkhó Iokhān 17:1) á sī ōe hō͘ I sitbāng?

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com