《台語荒漠甘泉（全羅版）》

 | | | 轉寄

"Hiòng chêng kiâⁿ, koh kiâⁿ, koh kiâⁿ"

作者 陳清俊 翻譯 2007.02.11

listen










Jī ge̍h cha̍pit ji̍t

"Kàu kng phó͘thiⁿē ê Chú Iâhôhoa ê iokkūi ê chèsi, in ê kha khiā tī Ioktàn hô ê chúi, Ioktàn hô ê chúi ... beh chia̍ttn̄g," (Ioksua 3:13)

Íseklia̍t lâng bô thêng tī iâⁿpâng, tán kàu Ioktàn hô ê chúi tn̄g, chiah chhuthoat. In pêng sìnsim hiòng chêng kiâⁿ. (I Kolîmto 5:7) In thiah tiùⁿpâng, khoán pauho̍k'á, pâi tūingó͘, bô tán chúi ta, chiū kiâⁿ ji̍p hô ni̍h.

Kású in kiâⁿ kàu hô piⁿ, thêng lo̍hlâi, tán hôchúi tn̄g chiah beh ji̍p hô, chiū tán mā bô chháikang. Tāichì bōe sêng. Inūi Thiⁿpē só͘ kóng ê sī "chiong kha ta̍h ji̍p chúi, chúi chiah beh toānchoa̍t."

Lán ha̍ksi̍p I ê ōe, chiàu I ê ōe hiòngchêng ti̍tti̍t kiâⁿ, sīmchì chêngbīn khòaⁿ bô lō͘ lah. Ūihô lán tú tio̍h khùnlân ê sî, ōe thêng lo̍hlâi, chiūsī ài tán lâng chiong khùnlân, chó͘gāi tûkhì. Lán liân chhì beh kiâⁿkè chó͘gāi, káikoat khùnlân, iā lóng bô.

Kîsi̍t, pêng sìnsim hiòngchêng kiâⁿ, lō͘ chūjiân ōe ūi lán lâi khui. Tānsī lán tú tio̍h chó͘gāi, thêng lo̍hlâi, teh thènghāu lâng sóa khui chó͘gāi. Si̍tchāi, lán engkai hiòng chêng kiâⁿ, ū chó͘gāi ná chhinchhiūⁿ bô tú tio̍h chó͘gāi chi̍tiūⁿ. tùi "Àmsu" (Evenging Thoughts)

Kolûnpò͘ (Christopher Columbus) tī bīntùi ke̍k khùnlân ê sî, ōe kiantēng putgî, ta̍t tio̍h lán ê ha̍ksi̍p:

Sái kè Ajólí
Bô koh ū Búsian chhiⁿ,
Tē, hōaⁿ bô khòaⁿkìⁿ,
Chí ū hái liân thiⁿ.
Hùsiú kóng, sī kîtó ê sî,
Khòaⁿ, liân chhiⁿ iā lóng bô khì
Ióngkám ê chûntiúⁿ, góa beh kóng símmi̍h?
Á tio̍h mn̄g, kóng, “Hiòng chêng sái khì, sáikhì, koh sáikhì”.

Ē khachhiú chi̍tji̍t chi̍tji̍t ná hoánkhòng,
In ê bīnsek piàn pháiⁿ, théla̍t bô koh ióngchòng,
Ióng ê Hùsiú siūⁿ chhù ni̍h ê tāichiòng,
Pha̍k kah o͘o͘ jiâujiâu ê bīniông,
Ióngkám ê chûntiúⁿ, góa beh ánchóaⁿ kóng,
Kàu thiⁿ kng, iáu sī chi̍tphìⁿ háiiông,
M̄ bián mn̄g, kàusî chhut thàiiông,
Hiòngchêng sáikhì, sáikhì, sáikhì, siāng honghiòng.

Sái koh sái, Hùsiú mn̄g,
Hoatkông ê hái, kinmî beh pìⁿsńg,
Hoan chhùitûn, àmtiong teh phahsǹg,
Khui tōa chhùi, chi̍t chhùi thun ji̍p tō͘tn̂g.
Ióngkám ê chûntiúⁿ, kóng chi̍tkù hó ōe khǹg,
Ǹgbāng bô khì, lán beh ánchóaⁿ tńg?
I ê ōe ná kiàm lāisihsih,
Hiòng chêng sái khì, sái khì, koh sáikhì.

Bīnsek pe̍h koh iàsiān, i khiā tī kahpán téng,
Ǹg o͘àm khòaⁿkhì, Ah! o͘àmmî ê hânléng,
Siōng o͘àm ê mî, khòaⁿ tio̍h sòesòe kngteng,
Ū kng, ū kng, ū kng, ū kngteng.
Ná lâi ná kng, ū chi̍t tui kng,
Tòa lâi sin sîtāi ê sūkng,
I chhē tio̍h sin sèkài, khaisí sin sèkí,
Hō͘ sèkài chi̍tê kàsī: "Hiòngchêng sáikhì, koh sáikhì."
Joaquin Miller

Hiòng chêng kiâⁿ ê sìnsim tit sènglī.

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw