《台語荒漠甘泉（全羅版）》

 | | | 轉寄

"Hûn"

作者 陳清俊 翻譯 2010.03.14

listen

Saⁿ ge̍h cha̍psì (Saⁿ ge̍h cha̍psì ji̍t)


"Mô͘se chiū kiâⁿkūn ba̍thûn, kàu Siōngtè ê só͘chāi." (Chhutaiki̍pkì 20:21)

Thiⁿpē ū I ê pìbi̍t, chiūsī tùi chhongbêng ū tìhūi ê lâng chiū bih khílâi, únba̍t khílâi. (Lō͘ka 10:21) M̄ bián kiaⁿ hiah ê únba̍t khílâi ê mi̍hkiāⁿ, ansim chiapsiū lí só͘ bōe liáukái ê, nāisim thènghāu. Sîkan nā kàu, I ōe chiong chiah ê lí só͘ m̄ chai ê póchōng, hiah ê êngiāu ê òbiāu, kā lí hiánbêng. Hiah ê òbiāu chísī jia tī Siōngtè ê bīn ê bīnphè.

Bôtit kiaⁿ chìnji̍p tī hiòng lí lâi ê ba̍thûn, inūi Siōngtè tī hûnlāi. Hûn ê lēnggōa chi̍t pêng ū Siōngtè ê konghui chiòchhut. "Só͘ thiàⁿ ê hiaⁿtī ah, tī lín tiongkan só͘ ū chhinchhiūⁿ hé ê chhìliān, m̄ thang kîkoài i, ná chhinchhiūⁿ tú tio̍h huisiông ê sū; to̍kto̍k tio̍h inūi ū hūn tī Kitok ê kankhó͘, lâi hoaⁿhí;" (I Pítek 4:12,13) Lí kámkak siū khìsak, hāmlo̍h tī ko͘to̍k ê sî, Thiⁿpē chiū tī lí sin piⁿ. I tī siōng o͘àm ê ba̍thûn lāi. Ióngkám hiòng hiah ê o͘àm kiâⁿ ji̍pkhì, inūi Pē Siōngtè tī hûn ê ìmńg ē teh thènghāu lí.

Lí ū o͘hûn bô?
Hûn, amam ba̍tba̍t chin khióngpò͘,
Ná lâi, ná tōa koh ná o͘,
Chòeāu jiakhàm thiⁿ ê choânpō͘.
Tē chiūⁿ piàn kàu o͘o͘o͘.
Siōngtè tùi hûn lāi chhutlâi.

Lí ū o͘hûn bô?
Hûn, Iâhôhoa chiànchhia hiah tōa,
Chhimian chòe saⁿ lâi moa,
Sihná, po̍khong chòe tòa,
Chòe bīnphè khàm Iâhôhoa ê bīn, bô hông khòaⁿ,
Siōngtè tùi hûn lāi chhutlâi.

Lí ū o͘hûn bô?
Hûn, m̄ káⁿ bīntùi ê khógiām,
Loān siūⁿ thang kiaⁿ ê cha̍pliām,
Sitkhì chìchhin ê suliām,
Huké bôngbū ê òtiám,
Bôngbông biáubiáu ê tôsiám,
Sī lí kap ji̍tkng kan ê khehkhiàm,
Siōngtè tùi hûn lāi chhutlâi.

Lí ū o͘hûn bô?
Hûn, sī pīⁿ, ló, sí ê hoânló,
Tng lí tn̄gkhùi, chiū siaubô,
Bôtit kiaⁿ téngbīn hiahnih lô,
Chhutji̍p kángkháu hiahnih oh,
Sī chhiⁿchhìn, hânléng, síbô,
I ê kimkîⁿ, hoatsiā chhut kngtō.
Siōngtè tùi hûn lāi chhutlâi.

Bat ū chi̍t lâng khiā tī Bíkok Lo̍kki soaⁿ (Rocky mountains) téng teh khòaⁿ soaⁿkha ê tōa po̍khong hō͘. Hutjiân khòaⁿ tio̍h chi̍t chiah eng tùi hûn tiong chhèng khílâi, ǹg thàiiông ê honghiòng pe khì, si̍tténg ū chi̍tlia̍p chi̍tlia̍p ê chúichu, hō͘ ji̍tkng chiò, ná chhinchhiūⁿ soānchio̍h hoánsiā kng ê súi. Nā m̄ sī ū po̍khongú, engchiáu khólêng iáu lâu tī soaⁿkha. Siāngkhoán, jînseng ê khó͘lān hō͘ lâng chiūⁿ khílâi hiòng Thiⁿpē.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com