《台語荒漠甘泉（全羅版）》

 | | | 轉寄

"Thiankok ê koa"

作者 陳清俊 翻譯 2010.05.30

listen


Gō͘ ge̍h saⁿcha̍p (Gō͘ ge̍h saⁿcha̍p ji̍t)

"Hit ê si bô lâng ōe ha̍ksi̍p, to̍kto̍k tùi tōechiūⁿ siū bóe chhut ê cha̍psìbān sìchheng lâng ōe nātiāⁿ." (Khésīlio̍k 14:3)

Ū chi̍t kóa koa chíū tī soaⁿkok (iukok) chiah o̍h ōe hiáu. Bô imga̍k ha̍khāu ōe kà chiah ê koa, iā bô símmi̍h ga̍klí ōe hō͘ in chhiùⁿ kàu oânbí. Che imga̍k sī tī ha̍ksi̍p lâng ê sim tiong, iû kòjîn kenggiām lâi kìtiâutiâu ê, sī piáuhiān chhut in cháchêng ê imńg iusiong, iā sī chhiùⁿchhut in íchêng ê hiòngsiōng teh pe ê hoaⁿhí.

Tī chit ê kengbûn Iokhān kā lán kóng, liân tī thiⁿténg, iā chíū iû tē chiūⁿ kiùsio̍k lâi ê lâng chiah ōe hiáu chhiùⁿ chhut chit tiâu koa, sī sènglī ê koa, Kitok tháupàng lán chūiû ê kháisoân koa. Chit ê sènglī kap chūiû sī tùi kèkhì ê khúnpa̍k siū tháupàng ê kìek lâi sánseng ê.

Thiⁿsài, liân thiⁿsàitiúⁿ iā bōe chhiùⁿ chhut chit tiâu koa hiahnih súi. In nā beh chhiùⁿ, in sī suiàu kengle̍k tio̍h lán só͘ siū ê chhìliān, che sī bô khólêng. Chí ū sī pē si̍pjīkè ê kiáⁿjî chiah ōe o̍h chhiùⁿ chit siú koa.

Só͘í, chinài ê pêngiú, lí chitsî tútú teh siōng Thiⁿpē ê imga̍k khò. Tī lí khòaⁿ bōe tio̍h ê sipan chiapsiū chhiùⁿkoa ê hùnliān. Ha̍pchhiùⁿ ni̍h, ū ê pō͘hūn chíū lí ōehiáu chhiùⁿ, ū ê im sī kē kàu thiⁿsài chhiùⁿ bōe chhut, ūê im sī koâiⁿ kàu chíū thiⁿsài chiah ōe chhiùⁿ. Tānsī, àikìtit, siōng chhimtîm ê im sī lí ê, chíū lí ōe chhiùⁿ.

Lí ê Thiⁿpē túteh hùnliān lí chhiùⁿ thiⁿsài só͘ bōe hiáu chhiùⁿ ê koa. I ê imga̍k ha̍kīⁿ sī iusiong ê ha̍khāu. Lâng bat kóng I ēng pisiong lâi khó͘chhó͘ lí, si̍tchè chênghêng pēng m̄ sī ánni, I sī ēng thàngthiàⁿ lâi kàuio̍k lí, hō͘ lí ōe tit tio̍h iusiù ê hùnliān, chhamka I thiⁿni̍h ê sipan.

I tī siōng o͘àm ê mîkan piansiá lí ê koa, I tī iukok tiong tiâuchéng lí ê im. I tī po̍khong ba̍thûn tiong chengka lí ê imthêng, im ê koâiⁿkē, tī tōahō͘ tiong hō͘ lí ê siaⁿ kohkhah iubí. I tī hânléng tiong chō chhut lí imtiāu ê kámchêng. Tng lí tùi hibāng la̍k lo̍h kàu kiaⁿhiâⁿ tiong lâi hō͘ lí ê koasû oânchéng, oânbí.

Ah, chinài ê lênghûn ah, m̄ thang khòaⁿkhin lí ê iusiong ê ha̍khāu, chit chióng ê hùnliān ōe hō͘ lí tī thiankok ê koa tiong tamjīm lí te̍ksû to̍kit ê pō͘hūn. George Matheson

Sīm̄ sī pòaⁿmî ûikhùn lí?
O͘ koh tn̂g ê àmmî?
Chhiáⁿ Chú lâi lí sinpiⁿ,
I beh hō͘ lí sin koh súi ê koasi.
I hō͘ lí, saⁿkap tauh jī,
Tng lí chhoánkhùi chhoán bōe khí,
I beh sòachiap lo̍hkhì,
Koasiaⁿ ha̍p chòe chi̍tê, lí kap I.

Tī kngbêng ê kiáⁿjî,
Ū chinchōe koachhiⁿ,
Hoatchhut siōng súi ê siaⁿim,
Lóng sī ha̍ksi̍p tī pòaⁿmî,
Tī Thiⁿpē ê chhù
Ū chin chōe bíbiāu koasû,
Tī àmàm ê pângkengchhù,
Chi̍tim chi̍tim teh liānsi̍p tàukù.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com