《台語荒漠甘泉（全羅版）》

 | | | 轉寄

"Khó͘lān kap chínkiù"

作者 陳清俊 翻譯 2010.08.22

listen
Poeh ge̍h jījī (Poeh ge̍h jīcha̍pjī ji̍t)

"Kîû ê lâng ūê ēng pang, ūê ēng chûnlāi ê mi̍h. Tùi ánni chènglâng lóng tit kiù chiūⁿ soaⁿ (hōaⁿ)." (Sùtô͘ Hêngtoān 27:44)

Pólô khì Lômá chē chûn ê kîbiāu kò͘sū, chhiongmóa liáu hoānlān kap sènglī, chiàⁿ sī jînseng sìnsim ê lúhêng, ū kngbêng, ū o͘àm ke̍k hó ê lē. Lútô͘ tiong siōng úitāi, liáuputkhí ê, sī tī khùnkéng, gûihiám ê só͘chāi, ū Siōngtè te̍kpia̍t ê kiòngèng kap kansia̍p chokûi.

Itpoaⁿ lâng gō͘hōe, lia̍h chòe chò chi̍t ê kitoktô͘, i ê sìnsim ê lō͘thêng phiàntē chhiongmóa hoe ê súi. Si̍tchè ê kenggiām tútú sionghoán. Sèngkeng ê sìnsit sī “Íkeng ū chòe kanchèng ê kàu hiah chōe, chhinchhiūⁿ hûn ûi lán,” (Hipeklâi 12:1) chiah ê lâng ê itseng bô m̄ sī tī khó͘lān kap teksèng saⁿ kauthè, tùi Apek kàu chòeāu chi̍tūi sûntōchiá lóng sī ánni.

Pólô sī chi̍t ê ke̍k te̍ksû ê lē, soatbêng Siōngtè ê kiáⁿjî siūkhó͘, chengsîn khiok bōe siū kektó, iā bōe káithé phòachhùi leklo̍hkhì. I tī Tāimásek siūtiàu liáuāu, chòe kiànchèng, siū pekhāi tuikóaⁿ, lâng beh hāi i, ūi tio̍h sìⁿmiā chiū ài tôsiám. Chóngsī pēng bô thiankun, thianchhia, thianbé tùi thiⁿ kàng lo̍hlâi chínkiù chit ê sèngtô͘ thoatlī te̍kjîn ê chhiú. Siōngtè ēng chin kántan koh pêngsiông ê honghoat hō͘ i thoatchhut. “nāsī i ê ha̍kseng thàumî chiong i ēng nâ tùi siâⁿchhiûⁿ kā i lūilo̍hkhì.” (Sùtô͘ Hêngtoān 9:25) I sī chhàng tī kū ê saⁿ nâ lāi, chhinchhiūⁿ chi̍tkhún saⁿ á sī hèmi̍h. Chú Iâso͘ Kitok ê po̍kjîn sī tùi thang'á kháu liu lo̍hkhì kàu siâⁿchhiûⁿ gōakháu, ēng kē kē ê chusè tôphiah te̍kjîn ê oànhūn.

Āulâi lán iā chai, Pólô ko͘toaⁿ siū koaiⁿkaⁿ siūkhó͘ chōechōe ge̍hji̍t, siá kóng,”bô khùn, bô chia̍h” (Ṳ Kolîmto 6:5), koh jûhô hō͘ pêngiú khìsak, siū piⁿphah, sīmchì Siōngtè èngún káikiù i íāu, iáu tú tio̍h háitiong tōa hongéng ê kankhó͘, kàu hiámhiám sí khì, iā puttekput póhō͘ siūⁿ beh tôcháu ê chúisiú. Chòeāu in tit tio̍h káikiù, mā m̄ sī tùi thiⁿ kàng thianchûn lâi kiù, iā m̄ sī thiⁿsài kiâⁿ chúibīn lâi káikiù, á sī bēnglēng po̍khō͘ kiônghong tōaéng chēngchēng ê te̍ksû koânlêng. Chí ū ēng pênghoân siōng chūjiân ê honghoat, ēng chhâ, ēng chûn ê pang, á sī chhâkho͘, ōe phû tī chúibīn, koh iā ū lâng ēng siûchúi chiūⁿ hōaⁿ.

Chit ê kò͘sū, lán thang chai Siōngtè ūi lán sìⁿmiā tēng chi̍t ê bô͘sek. Chit ê hó ê sìnsit sī “tùi sengoa̍h tī hoânkan phó͘thong khoânkéng ē, ēng oânchoân phó͘thong ê hongsek, lâi ènghù kokchióng phó͘thong chênghóng ê lâng.”

Siōngtè ê èngún kap I ê kiòngèng bô hō͘ lán chhiauoa̍t che si̍tsi̍t chāichāi ê sèkài, kap ji̍tsiông ê khó͘lān. Inūi lán ê sìnsim beh tùi chiah ê pêngsiông ê sū lâi tit oânbí. Siōngtè iā ài chit ê sèkài, chiong I ê thiàⁿthàng ê kimsòaⁿ kap lán ji̍tsiông sengoa̍h hílo̍k kap khó͘lān chit chòehé. tùi “Sìnsim ohkiâⁿ ê tōlō͘”

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org