《台語荒漠甘泉（全羅版）》

 | | | 轉寄

"Sènglêng ê thó͘khùi"

作者 陳清俊 翻譯 2010.10.31

listen


Cha̍p ge̍h samit (Cha̍p ge̍h saⁿcha̍pit ji̍t)

"Koh Sèng Sîn iā chhinchhiūⁿ ánni hûchhî lán ê nńgchiáⁿ; inūi lán m̄ chaiiáⁿ tio̍h cháiⁿiūⁿ kîtó chiàu só͘ engkai ê; to̍kto̍k Sèng Sîn kakī ēng bōe kóngchhut ê thó͘khùi thòe lán kiû. Kàmchhat lâng ê sim ê iā chai Sèng Sîn ê ìsù inūi I chiàu Siōngtè ê ìsù lâi thòe sèngtô͘ kiû." (Lômá 8:2627)

Che sī kîtó chhimtîm ê òpì. Kîtó sī bōethang ēng ōe piáuta̍t ê sînsèng kangkū, sī sînha̍k só͘ oh káisek, chóngsī siōng pibî ê sìntô͘ lóng chai kîtó, suijiân i bô bêng chit ê òpì.

Ah, lán goānì sêngsiū bōe bêngpe̍h ê tàⁿ! Tùi lán só͘ bōe hiáugō͘ ê sū, lán ê sim ū bōethang piáuta̍t ê khatbō͘! Chóngsī lán chai, che sī tùi Siōngtè póchō ê hôeèng, sī tùi I simlāi sòesòe siaⁿ. Chin chōe sîchūn, sī thó͘khùi, m̄ sī koasiaⁿ, sī chi̍t chióng tāngtàⁿ, m̄ sī khinkhin ê úmô͘. Putkò sī siū chiokhok ê tāngtàⁿ, púnchitsiōng sī oló kap bōe thang hêngiông ê hoaⁿhí ê thó͘khùi. Sī kóng bōe chhutlâi ê thó͘khùi. Lán púnsin iā bōehiáu piáuta̍t lán só͘ chai ê, suiàu Sènglêng tī lán lāibīn kîkiû, chíū I ōe liáukái, suiàu I chhunchhiú lâi pangbâng.

Só͘í lán choânsim chiong lāibīn lêng ê tāngtàⁿ kap ap tī lán sinchiūⁿ ê iusiong piàⁿ chhutlâi. Lán chai I thiaⁿkìⁿ, thiàⁿthàng, bêngpe̍k, iā chiapla̍p lán, chiong lán ê kîtó tiong só͘ū ê chhògō͘, m̄ tio̍h, bô oânchoân ê pō͘hūn tûkhì, chiong só͘ chhun ê pō͘hūn, kap Tōa Chèsi ê siohiuⁿ hiàn tī I ê póchō chêng. Lán thang khéngtēng, páak Lán só͘ hōng I ê miâ ê kîtó ittēng ōe thiaⁿ tio̍h, chiapsiū koh hôeèng.

Lán bô pitiàu puttoān kap Siōngtè kóngōe, á sī bôthêng thiaⁿ Siōngtè kóng, chiah sǹg chòe kap I ū kauthong liânhē, inūi ū chi̍t chióng kóngbōechhut ê kaupôe pí ōegú khah tiⁿbi̍t. Chi̍t ê gínná tī lāubú sinpiⁿ, choansim chhitthô, lāubú iā choansim chòe i kakī ê khangkhè. Suijiân nn̄g lâng lóng bôêng, lóng bô kóngōe, tī in tiongkan ū chin súi ê kaupôe kauthong. Gínná chai lāubú tī sinpiⁿ, lāubú chai gínná anjiân bô sū pêngan.

Siângkhoán, chi̍t ê sìntô͘ thang kap Kiùchú tī thiàⁿthàng tiong chēngchēng kaupôe chin kú ê sîkan. Suijiân sìntô͘ khólêng bô êng tī ji̍tsiông sengoa̍h, i ōe kámsiū tio̍h sengoa̍h ê múi chi̍t ê sèchiat lóng ū Siōngtè tôngchāi, iā ōe kámkak tio̍h I ê tôngì kap sùhok.

Tng tú tio̍h tāngtàⁿ khùnlân ê khùnjiáu, iūkoh hokcha̍p kàu bōe hiáu ēng giângú lâi piáuta̍t, iā bōethang chhionghun liáukái, chíiàu tó tī Siōngtè ê simhoâi tiong, ēng bô kóngōe ê iusiong khàu chhutlâi, che sī hôténg ê tiⁿbi̍t ah!


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org