《台語荒漠甘泉（全羅版）》

 | | | 轉寄

"Chi̍t lia̍p be̍h"

作者 陳清俊 翻譯 2010.11.14

listen



Cha̍pit ge̍h cha̍psì (Cha̍pit ge̍h cha̍psì ji̍t)

"Chi̍t lia̍p be̍h bô lo̍h tī tōeni̍h lâi sí, chiū iûgoân chi̍t lia̍p nātiāⁿ; sí chiū kiatsi̍t chōechōe." (Iokhān 12:24)

Tī Bíkok Mâ chiu (Massachusetts) North Hampton ê só͘chāi, ū chi̍t ūi kó͘ló ê bōngtē, Bíkok khaithok sîkî ê soankàusu David Brainerd tâi tī hia. Tī Chúāu 1747 nî, hitsî i chíū 29 hè tio̍h tio̍h hìlô kèsin. I ê bōng ê piⁿ'á, ū Tongsî Bíkok chhengkàu sînha̍kka Jonathan Edwards ê chabó͘kiáⁿ, Jerusha Edwards ê bōng. David Brainerd chin ài Jerusha Edwards, in íkeng tēnghun, tānsī kiathun ê kî iáubōe kàu i chiū kèsin khì.

Siūⁿ khòaⁿmāi, kap hit ê chhengliân ê soankàusu ê síthé chòehé tâi tī bōng nih ê, ū símmi̍h ūi Kitok ê chintō só͘ hoat ê hibōng, kîthāi, ǹgbāng. Tī hitsî chíū hôeek, kap kúi cha̍p ê lâi sìn kui Chú ê Ìntē an lâng nātiāⁿ! Chóngsī hitūi úitāi ê chhengkàu sînha̍kka, Jonathan Edwards, pún hibōng David Brainerd ōe thang chòe i ê kiáⁿsài, chiū chiong David Brainerd chit ūi chhengliân lâng tété ê itseng siá chòe chi̍t pún sió chheh. Chit pún chheh chhinchhiūⁿ hoat nn̄g ki si̍t, pe kè tōa háiiûⁿ, kàu Kiàmkiô (Cambridge) tāiha̍k chi̍t ê ha̍kseng miâkiò Henry Martyn ê chutoh'á téng.

Khólîn ê Henry Martyn! I siū hó ê kàuio̍k, ū châihôa, ū hó ê chiântô͘. I khòaⁿ liáu hit pún David Brainerd ê sengpêng toān, siū kámkek kàu sìⁿmiā lóng bōekò͘tit. Āulâi tī 1812 nî, i tùi Ìntō͘ beh hôe Engkok, i kiám ū símmi̍h tōa ê sêngchiū? I ê kiānkhong chin bái, tòapīⁿ ǹg pak kàu Thó͘níkî (Turkey) kūn O͘hái ê Tokat siâⁿ, hoat sio, tó tī chi̍ttui ê béoaⁿ ē jiateh, chiū sí tī hia, chiah saⁿcha̍pit hè.

Chiah ê "lōnghùitiāu" ê sìⁿmiā ū símmi̍h bo̍ktek? Tùi chhengliân ê David Brainerd ê bōng, kàu O͘hái piⁿ Henry Martyn ê bōng, soah hengkhí liáu hiāntāi soankàusu ê tōakun. Leonard Woulsey Bacon


Ū símmi̍h soabô͘, á tōahái, Lí kā góa chhekhián?
Hia ū chhiū ài chhò, ū tē ài khaitián,
Tòa Lí ê chi̍tpé chéngchí, iā tī hn̄ghn̄g ê simtiân,
Ti̍tkàu siusêng pahpē, lâi iúⁿchhī Chú kiáⁿjî khongkiān.

Pē ah! Kā góa kóng soabô͘ tōahái jōatōa?
Sī Lí ê kangtiâⁿ mah? Úitāi ê Siōngtè, chhe góa!
Suibóng góa ê thé tótī hiongbéng ê háilōng nòa,
Pē ah! Chiapsiū góa tī tiongsìnchiá ê chètôaⁿ.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org