《台語荒漠甘泉（全羅版）》

 | | | 轉寄

"Ài piàⁿ, chiah ōe iâⁿ"

作者 陳清俊 翻譯 2011.01.02

listen


Chiaⁿ ge̍h chhoe jī. (It ge̍h jī ji̍t)

“Chiahê sìûi ê piⁿpâng, nákoâiⁿ nákhoah; inūi chhù ê ûi tī chhù ê sìbīn nákoâiⁿ, só͘í chhù ê khoah ti̍tti̍t kàu téngbīn; tùi ē chàn kàu téngchàn, tio̍h tùi tiongchàn chiūⁿkhì.” (Ísekiat 41:7)

Phahpiàⁿ ǹghó
Ūi che lâi kîtó,
Chi̍tkùi kè chi̍tkùi, chi̍tnî koh chi̍tnî,
Kèsio̍k phahpiàⁿ ǹghó.

Sinnî mā phahpiàⁿ ǹghó,
Suijiân lō͘tô͘ chhiⁿso͘,
Óakūn Chú Iâso͘,
Kèsio̍k phahpiàⁿ chêngbīn ê lō͘.

Iusiong ê sî, iā phahpiàⁿ ǹghó,
Chhìliān tehtiâu góa simtó͘,
Chengsîn chin thòngkhó͘,
Ū Kitok tâng kiâⁿ, phahpiàⁿ ǹghó.

Phahpiàⁿ ǹghó kàu thiⁿkng,
Itchhè imiáⁿ khì hn̄ghn̄g,
Phahpiàⁿ ǹghó kàu thiantêng,
Tiàmtī Chú póchō ê thâuchêng.

Ōe tī pîⁿtē pháucháu, pēng bōe thang boánchiok, lán ài koh ǹg koâiⁿ ê ūi hoattián. Tī soaⁿténg lō͘chúi sī hôténg ê sûnkiat, bílē, khongkhì sī hôténg ê chhengkhì, sinsian, tòa tī hia ê bînchiòng sī hôténg ê iuek, chhengko. In chi̍t ē khui thang'á, chiū thang khòaⁿ tio̍h Iâlō͘satléng!

Chinchōe lâng kamsim lo̍kì kè khòngkangsèng ê sengoa̍h kui ji̍t lóng bô khòaⁿ tio̍h ji̍tthâu. In ê bīn púnlâi sī ū boah thiⁿténg ê hílo̍kiû, taⁿ khiok sī kô͘ tio̍h ba̍ksái. In púngoân thang tī kiongtiān téng sànpō͘, himsióng Līpalùn ê bíkéng, khiok boánchiok tī kaⁿlôsek ê sengoa̍h. Chhíⁿ khílâi! Pêngiú ah! Līkhui lí ê pîⁿtē, ló͘le̍k ǹg koân peh! Chiong lí ê iàsiān, pîntōaⁿ, léngsim kap itchhè ōe chó͘tòng lí hiòngsiōng tuikiû Kitok ê, lóng chóng tûkhì. Hō͘ Kitok chòe lí ê goânthâu, lí ê tiongsim, hō͘ I tī bānūi tiong chē thâuūi. M̄ thang boánì lí bo̍kchêng ê só͘ū, ài khatbōng chitê khah koân, khah kùi, khah hongsēng, khah pùū ê sìⁿmiā. Ǹg thiⁿ peh! Tuikiû chhinkūn Siōngtè! (Charles H. Spurgeon)

Beh peh kàu siōngkoân ke̍kūi.
Ài khòaⁿ thiⁿténg chin konghui;
Ti̍tti̍t kîtó tán thiⁿ khui,
Chú ínchhōa hiòngsiōng ê súi!

Lán tiongkan bô chinchōe lâng sī chīn lán só͘ ōe ê lâi oa̍hteh. Lán thamloân tī pîⁿtē, inūi lán kiaⁿ peh soaⁿ. Soaⁿlō͘ kiākhu, gûihiám, oh kiâⁿ, hō͘ lán ê sim léng lo̍hkhì. Lán itseng lōnghùi tī hûnbū ê soaⁿkoknih, bōehiáu khì liáukái soaⁿténg ê bíkéng. Ah! Khoaniông kakī, chūboán, anek tī hiānchāi só͘ tì ê súnsit sī gōachiàⁿ tōa ah! Chíiàu lán nā khéng koatsim peh koân chhē kiû Siōngtè, chêngbīn beh ū ke̍k tōa ê êngiāu kap chiokhok teh tán lán. (J. R. Miller)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org