《台語荒漠甘泉（全羅版）》

 | | | 轉寄

"Oânchoân sìnkhò"

作者 陳清俊 翻譯 2011.02.20

listen


Jī ge̍h jīcha̍p (Jī ge̍h jīcha̍p ji̍t)

“Góa si̍tchāi kā lín kóng, Lín nā ū sìn chhinchhiūⁿ chi̍t lia̍p kòachhài chí, lín chiū beh kā chit ê soaⁿ kóng, ‘Tùi chia sóa khì hia’, ia̍h beh sóa khì; koh lín tehbeh bô chi̍t hāng bōe.” (Máthài 17:20)

Goānì chiong kakī sìⁿmiā ê anchoân kap sengoa̍h ê te̍ksèng, oânchoân kau tī Chú tōa koânlêng ê chhiú tiong ê kitoktô͘, chiūsī tī sengoa̍h tiong, i ōe chòekàu bô chi̍ttiám'á ê póliû, siongsìn Chú ê èngún, siongsìn Chú múikù ê èngún lóng beh si̍thiān.

Chit chióng ê kitoktô͘ ittēng ōe ta̍k ji̍t “chiong lín ê iulū sià hō͘ Siōngtè”, ( I Pítek 5:7) ū chit chióng ê kauthok, ōe tit tio̍h chhimchhim ê pêngan.

Chit chióng ê kitoktô͘ ōe tī ta̍kchióng ê khoânkéng nih, khòaⁿ Siōngtè ê chíì, sim hoaⁿhí, chhùi chhiùⁿkoa lâi chiapsiū, lóng bōe aioàn.

Chit chióng ê kitoktô͘ tiāⁿ tio̍h ōe chiong kakī khǹg tī, únchông tī Siōngtè ê tōa koânlêng lāi, ōe bêngpe̍k kakī siōngtōa ê nńgchiáⁿ kap hiah ê énghióng kakī, koatsim khì chòe chiâⁿ jímnāi, sèngkiat kap khiampi ê kokchióng sūbu̍t. Kîsi̍t che sī chi̍t chióng kihōe chhauliān, hō͘ chōe bōeōe tī lán púnsin ê sinchiūⁿ chokiōng ê chhauliān. Ánni lán ná lâi ná kiankiông. Chit chióng kihōe chhauliān sī, thiàⁿ lán ê Thiⁿpē só͘ siúⁿsù, hō͘ lán bêngpe̍k pēng chunhêng I ê chíì, hō͘ lán ū hokkhì thégiām tio̍h I ê tôngchāi kap I ê tōalêng.

Che itchhè khólêng lóng sī tùi thiⁿ lâi ê, inūi che lóng sī Siōngtè ê chokûi. Lán nā ōe chinchiàⁿ tit tio̍h, chiū ōe puttoān khiampi kakī, kiongkèng tī Chú ê khachêng, ha̍ksi̍p tuikiû tit tio̍h koh khah chōe.

Lán ōe kohkhah ǹgbāng kap Siōngtè tângkiâⁿ, inūi bô pa̍thāng ōe khah boánchiok lán ê sim. Khò tio̍h Sènglêng ê lêngle̍k, lán ōe múiji̍t sîsî khekkhek oa̍h tī Kitok nih. H.C.G. Moule

Oânchoân ê sìnkhò, lán ōe tùi Siōngtè ài tit tio̍h jōachōe, chiū thang tit tio̍h jōachōe, Chú Kitok chiong I ê pókhò͘ ê sósî kau tī lán ê chhiú tiong, kiò lán khì the̍h. Nāsī ū lâng ōe thang siū ínchún ji̍p gûnhâng ê póhiámkhò͘, kiò i thang the̍h lāibīn ê chîⁿ, i nā khangchhiú tǹglâi, bô chîⁿ thang sengoa̍h, ánni, ài koài símmi̍h lâng ah? Siōngtè ê hùchiok hō͘ kitoktô͘ thang pe̍hpe̍h lâi the̍h, i só͘ tit tio̍h ê nā sī chin chió, iū thang koài sáⁿlâng ê m̄ tio̍h ah?


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org