《台語荒漠甘泉（全羅版）》

 | | | 轉寄

"Tī hé tiong, êngkng Iâhôhoa"

作者 陳清俊 翻譯 2011.04.03

listen
Sì ge̍h chhoesaⁿ (Sì ge̍h saⁿ ji̍t)

“Inūi ánni lín tio̍h tī tanghng (iā hoanchòe ‘tī hé tiong’) êngkng Iâhôhoa; tī chiah ê háisū êngkng Iâhôhoa Íseklia̍t Siōngtè ê miâ.” (Ísàia 24:15)

Chùì téngbīn ê kengchat ū chi̍tjī sòesòe, bô chùì tio̍h ê jī: “tī”! Ū chinchōe lē, Siōngtè bô ài hō͘ I ê sèngtô͘ tú tio̍h hé, hé ōe kā lâng sio siong, sio thiàⁿ. Chóngsī lán ‘tī’ ta̍kiūⁿ khó͘lān tiong iā beh êngiāu Chú.

Tùi chitchióng ê tōlí, lán tī héiām tiong, iā tio̍h êngkng I. I iôngún chhìliān lîmkàu lán, hō͘ lán beh kengle̍k tio̍h oânoân choânchoân ê sìnsim, siongsìn I ê hóì kap chinsi̍t ê thiàⁿthàng. Tùi hétiong kengkè āu, lán tùi kokchióng sū ōe kohkhah oló Chú.

Tùi hétiong kengkè, sī suiàu chin tōa ê sìnsim, nāsī siósìn ê lâng ōe sitpāi. Lán tekkhak tio̍h tī hétiong tit sènglī. Margaret Bottome

Sìnsim sī tī chi̍tê lâng tú tio̍h khùnlân ê sî chiah ōe hiánlō͘ chhutlâi. Siū lâng hiat tī hétiong ê “Satekla̍h, Bísoah, Apeknîko”, chit saⁿ lâng tng līkhui hé ê sî, lóng bô káipiàn, kap goânlâi tângkhoán, chísī khúnpa̍k in ê só bô khì nātiāⁿ. Pē Siōngtè tī lán ê khó͘thàng ê chhìliān hélô͘ tiong, iā ōe káitû lán ê sóliān.

Chit saⁿ lâng tùi lia̍thé tiong kengkè, lóng bô siū siong, sinchiūⁿ liân khíphā iā bô. Hé bô la̍t thang siong in ê sinkhu, thâumn̂g iā bô chhàuta, saⁿ iā bô piàn sek, lóng bô chi̍ttiám'á chhàuhéta bī. (Tānílí 3:27)

Chi̍t ê kitoktô͘ engkai ánni kiâⁿchhut hé ê chhìliān lô͘ sóliān káitû, sinthé bô siū héiām sionghāi.

“Tùi lāibīn lâi tōatōa khahiâⁿ i.” (Kolôse 2:15)

Chinchiàⁿ ê sènglī chiūsī, tī phòapīⁿ tiong iâⁿkè phòapīⁿ; tī beh sí ê sî chhiauoa̍t síbông; tī ge̍kkéng tiong khekho̍k ge̍kkéng. Siongsìn góa, khaksi̍t ū chi̍t ê le̍kliōng, tī chhiongtu̍t tiong hō͘ lán ōe khahiâⁿ.

Tng lán ta̍tkàu tī koân ê só͘chāi, hôethâu khòaⁿ lán só͘ kiâⁿ ê lō͘, lán beh chhiùⁿ sènglī ê koa. Tng lán sànchhiah ê sî, ōe hō͘ lâng hùjū, lâng iā beh khòaⁿ lán sī hùchiok, lán íkeng tī sànchhiah tiong khahiâⁿ sànchhiah.

Kitok tī I ê siū bújio̍k tiong, jímnāi teksèng, lán iā beh tī siū lâng bújio̍k tiong, jímnāi tit sènglī. Margaret Bottome

Khòaⁿ tio̍h chi̍t ê siū khógiām, siū tāngtàⁿ, sim iûgoân sī khoàilo̍k, lán kiám bōe himsoān i? Khòaⁿ tio̍h siū íniú, bô sitbê, lâi teksèng, lán kiám bô kámjiám i ê enghiông khìkhài? Khòaⁿ tio̍h chi̍t ê kap lí tângkiâⁿ, sinthé soelám, chêngsîn kiankiông, lí ê sim kiám bô kámtōng, kap i saⁿkap kongêng?

Chiah ê lóngsī tōatōa kiànchèng Siōngtè untián ê le̍kliōng! John Henry Jowell

Tng ta̍khāng mi̍h lóngchóng teh hāi,
Sìⁿmiā iô tī pholōng tōa hái,
Lí sīm̄ sī Siōngtè só͘ ìài,
Boánchiok, anchēng, chūiû chūchāi?


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org