《台語荒漠甘泉（全羅版）》

 | | | 轉寄

"Lâng teh chòe, Thiⁿ teh chhiâu"

作者 陳清俊 翻譯 2011.07.17

listen


Chhit ge̍h cha̍pchhit (Chhit ge̍h cha̍pchhit ji̍t)

"Góa tī Góa khiākhí ê só͘chāi beh chēngchēng chē teh khòaⁿ." (Ísàia 18:4)

Che sī Asu̍t (Assyria) teh kong Kó͘si̍t (Ethiopia) ê biôsiá. Chit ê kiông koh tōa ê kuntūi chìnkun khì, Siōngtè bô chó͘chí in, ná chhinchhiūⁿ Siōngtè ínchún in loānlâi, Chú tī I ê só͘chāi teh koankhòaⁿ. Kèsio̍k ū thàiiông chiò in, tānsī tī “Siukoah ê chìnchêng” chit ê kiaungō͘ ê kuntūi choânjiân phahpāi, chhinchhiūⁿ lâng ēng liâm'á siah khì phûtô ki hiahni̍h iôngì ê khoán.

Che kiám m̄ sī chi̍t pak chinsúi Siōngtē ê tô͘ōe mah? I chēngchēng teh koankhòaⁿ. I ê chēngchēng m̄ thang gō͘hōe chòe I sī tôngì á sī ínchún. I putkò sī teh tán I ê sî kàu, iā chiūsī hit ê pháiⁿê ê kèōe tehbeh sêngkong ê sî, chiah chhutchhiú, hō͘ te̍kjîn siū tio̍h chailānsèng ê tōapāi. Siôngsiông lán khòaⁿ chit sèkan, siâok, pháiⁿlâng tekì, hólâng siū chinchōe ê pekhāi ê sî, ài kìtit Siōngtè só͘ kóng chit kù kîbiāu ê ōe “Góa chēngchēng teh koankhòaⁿ.”

Siōngtè ū bôsiāngkhoán ê khòaⁿhoat, I ê ōe chhiongmóa tìhūi. Ūisímmih Iâso͘ chēngchēng teh khòaⁿ I ê ha̍ksēng tī hongúiā piàⁿmiā teh kòchûn neh? Iâso͘ ê hó pêngiú, Pektāinî ê Lia̍psatlō͘ phòapīⁿ, sìⁿmiā gûiki̍p beh síkhì, chòeāu, síkhì iā bâichòng tī bōngnih. Chi̍tbō͘, chi̍tbō͘ thòngkhó͘ ê le̍ktêng, Iâso͘ itti̍t teh chēngchēng khòaⁿ. I ūisímmih beh ánni chòe neh? Iâso͘ chí sī thènghāu hit ê siōng sektòng ê sî, chòe chhut siōng iúhāu ê chokûi.

Chú sīm̄ sī tùi lí tiāmtiām? Kîsi̍t I chùì tio̍h múi chi̍t hāng. I ê chhiú sûisî teh pé lí ê hiatme̍h, koh chin bínkám, liân siósió ê piànhòa I iā chhâ ōe chhutlâi. Tī siōng sektòng ê sîkhek I chínkiù lí.

Putlūn Chú ài lán chòe símmih, á sī I chòe tāichì ná chhinchhiūⁿ chin bān, lán thang oânchoân ê khaksìn, I sī chi̍t ê bô chhiongkông, bô lúnneh ê Kiùchú.

Iusiong thòngkhò͘ ê lêng,
Thiⁿpē kóng, chēngchēng, tio̍h chēngchēng,
Ha̍ksi̍p anchēng tī I bīnchêng,
Chiàu I ê chíì kā oânsêng.

Kîtó ê lêng, chēngchēng, tio̍h chēngchēng,
I èngún ê ōe sī khaktēng,
I ê chiokhok chin hongsēng,
Nāisim thènghāu tit unchêng.

Thènghāu ê lêng, chēngchēng, tio̍h kiôngtāi,
Sui ū iânchhiân, tio̍h sìnjīm tánthāi,
Bián giâugî, I teh anpâi,
Bián kiaⁿhiâⁿ, I m̄ bat siuⁿ òaⁿ lâi.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org