《台語荒漠甘泉（全羅版）》

 | | | 轉寄

"Ûnûn'á cháu"

作者 陳清俊 翻譯 2011.10.30

listen


Cha̍p ge̍h saⁿcha̍p (Cha̍p ge̍h saⁿcha̍p ji̍t)

“Thunlún lâi cháu”, á sī kóng, “Nāisim punpháu”, chòe khílâi sī ū khùnlân. Cháu á sī punpháu púnlâi chiūsī bōe thang nāisim , bōe thang thunlún, sī ài kínkip kàu bo̍ktektē. Siôngsiông lán gō͘hōe jímnāi sī kap tòteh, á sī khiāteh bô tíntāng liâm chòehé. Lán iā jīmûi jímnāi sī siúhō͘ phòapīⁿ lâng ê thiⁿsái, kîsi̍t, pīⁿlâng sī siōng bô nāisim ê.

Lēnggōa chi̍t chióng ê jímnāi, sī pháucháu sî ê jímnāi. Tī pisiong ê sî tólo̍hkhì, tī kengchè siū tōa khùnlân tiāmchēng lo̍hkhì, sī suiàu jímnāi, chóngsī ūsî suiàu kohkhah tōa ê nāisim, chiūsī tng chi̍t ê lâng siū chintōa ê chhòchiat liáuāu iáu ōe kèsio̍k kangchok, simlāi tîmtāng, kèsio̍k punpháu, chengsîn siū tōa pisiong, iáu ōe chòe ji̍tsiông kangchok, che sī chhinchhiūⁿ Kitok ê jímnāi lah!

Lán chin chōe lâng, ba̍ksái kâm teh, lâi chhúlí lán ê pisiong thòngkhó͘, nā ōetit, lóng sī tī sujîn ê khoânkéng. Khùnlân ê, sī lán ê nāisim piáuta̍t chhutlâi tī chènglâng ê bīnchêng, tī tōa koelō͘ téng, m̄ sī tī bînchhn̂g téng. Lán chiong thàngthia3nn jímkhílâi, m̄ sī chē teh, thêngchí oa̍htāng, hoántńg sī chekke̍k lâi ho̍kbū, kangchok. Tī kangchok tiong, tī senglí bóebōe tiong, tī kap lâng chiapchhiok tiong, iáu khólêng tòa hō͘ lâng hílo̍k. Jímnāi pisiong bô pí che khah khùnlân lah. Che chiah sī “chûnsim jímnāi teh pháu” ê chinchia3nn ìgī.

Chhinài ê Jînchí Iâso͘, che sī Lí ê jímnāi ê khoánsit. Siāng chi̍t ê sîkan, ài jímnāi, koh ài punpháu, thènghāu hit siōngbé, chòetōa ê kiùsio̍k bo̍kpiau, iā tio̍h kò͘ tio̍h ji̍tsiông ê sūbū. Góa khoa3nn Lí tī Kalīlī ê Kaná ūi tio̍h huniàn tiong bô sitkhì hílo̍k, lâi chiong chúi piàn chòe chiú. Góa iā khoa3nnki3nn Lí tī khòngiá peh pia2nn punhō͘ chènglâng chia̍h pá, ūi tio̍h káikoat chiāmsî ê suiàu. Chóngsī Lí itti̍t tamtng ke̍ktōa ê pithia3nn, bô lâng thang hunthoaⁿ, bô lâng thang thiaⁿ Lí ê thòngkhó͘. Lâng thang kîkiû “chiong khēng khǹg tī hûnchhái tiong” (Chhòngsèkì 9:13), Góa tùi Lí kiûthó kohkhah chōe, chiong góa tī hûntiong piànchòe chi̍t ê chháikhēng, chiong hílo̍k tòa hō͘ lâng. Góa ê jímnāi chíū tī Lí ê phûtôhn̂g tiong siuchéng chiah piànchòe oânchoân. George Matheson

Sit khì itchhè ê hibāng,
Siōnghó chīnchek ūi pa̍tlâng chòe kang;
Hō͘ lâng hílo̍k lâi i kakī ê khó͘thàng,
Sī siōng ū tìhūi ê lâng.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org