《台語荒漠甘泉（全羅版）》

 | | | 轉寄

"Tanto̍k"

作者 陳清俊 翻譯 2011.12.04

listen


Cha̍pjī ge̍h chhoesì (Cha̍pjī ge̍h sì ji̍t)

"chiū kakī chiūⁿ soaⁿ kîtó." (Máthài hokim 14:23)

Anhiohji̍t ê hóchhù chiūsī pànghē sèkan ê sū, hióngsiū anlêng, pengchēng, sèngkiat ê pêngan. Siokchēng tiong sánseng chi̍t chióng te̍kpia̍t ê lêngle̍k. O͘a sī kui kûn teh pe, chhâilông sī kiat tīn teh kiâⁿ, tānsī, Sai kap engchiáu sī tanto̍k chhuthiān.

Tī bôêng, chháunāu ê tiongkan bōe sánseng le̍kliōng, tī anchēng ê sî chiah ōe. Ô͘ bīn beh hoániáⁿ chhut thiⁿsek ê súi sī tī pêngchēng ê sîchūn. Lán ê Chú hoaⁿhí chi̍t tōa tīn ê lâng lâi chhē I, chóngsī I iā siôngsiông tanto̍k chi̍t lâng anchēng tī soaⁿ ni̍h. Suijiân I ê soantō sī tī to͘chhī, hiongtìn ê ô͘pīⁿ chìnhêng, I kohkhah ài kakī chi̍tlâng hônghun ê sî thè kàu soaⁿ ni̍h tī pêngchēng koân ê só͘chāi.

Hiānkim lán só͘ suiàu ê sī tanto̍k kap Chú tīteh ê sîchūn. Chē tī I ê kha chêng, tit I ê chiokhok, tanto̍k kap I chhinkūn. Oh, lán suiàu hit chióng "be̍ksióng" ê kanghu. Lán ê sengoa̍h suiàu hit ê "únba̍t ê só͘chāi". (Siphian 91:1) Oh, Lán suiàu thènghāu tùi Siōngtè lâi ê lêngle̍k!

Kok tiong kamtiⁿ hó sengoa̍h,
Sèchiūⁿ tāichì lóng chòe soah,
Chòsitlâng tī be̍hhn̂g chhiùⁿ koa,
Kangchok kàu ji̍tthâu lo̍h soaⁿ.
Pîⁿiûⁿ ígōa, Góa giâba̍k khòaⁿ soaⁿ,
Bô ū lâng, chhia, chèng soanhôa,
Tùi hôpêng ê soaⁿ,
Ū siaⁿ teh kiò góa.

Sī, kok tiong sengoa̍h sī kamtiⁿ,
Kangchok kàu ji̍tthâu lo̍h khì,
Chi̍t ji̍t kangchok chòe chhengkhì,
Góa simlêng suiàu soaⁿ ni̍h khongkhì.
Chìkoân tiāmchēng ê khìbī,
Chhiongmóa tī anchēng soaⁿ ni̍h,
Chhimchhim anlêng ê soaⁿ piⁿ,
Iáu teh kám tio̍h che lêng khì.

Sìⁿmiā beh tit tio̍h kiankiông, pitsu ài ū Chíū Siōngtè ōe thang ji̍p khì ê "Chìsèngsó͘" (Chhutaiki̍pkì 26:33)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org