《台語荒漠甘泉（全羅版）》

 | | | 轉寄

"Àmmî kèngpài"

作者 陳清俊 翻譯 2011.12.11

listen

Cha̍pjī ge̍h cha̍pit (Cha̍pjī ge̍h cha̍pit ji̍t)

"Khòaⁿ ah, Iâhôhoa chiah ê lô͘po̍k, mîkan tiàm Iâhôhoa chhùlāi ê, lín lóng tio̍h oló Iâhôhoa. Goān chhòngchō thiⁿ tōe ê Iâhôhoa, tùi Sekan sù hokkhì hō͘ lí." (Siphian 134:1,3)

Lí ōe chùì tio̍h tī chin kîkoài ê sîkan kèngpài Siōngtè, tī àmsî. "tī mîkan tī Iâhôhoa ê chhù". Tī àmmî, tī lán siōng iusiong ê sî lâi kèngpài, khaksi̍t sī chi̍t chân chin khùnlân ê sū. Putkò tī chit lāibīn ū hokkhì teh tán lí, inūi he sī sìnsim oânbí ê khógiām. Tī hânléng ê tangthiⁿ ōe khòaⁿ chhut pêngiú thiàⁿsim ê thêngtō͘. Siāngkhoán, lán tùi Siōngtè ê thiàⁿ iā sī ánni.

Tī joa̍hthiⁿ ū thàiiông, ū chiáu'á chhiùⁿkoa, ū chúikó tī chhiūténg, lâi kèngpài Siōngtè sī iôngī ê. Nāsī tng chiáu'á bô khì, bô koasiaⁿ, chhiūténg ê kéchí iā lóng la̍k khì, góa ê sim sīm̄ sī iáu ōe chhiùⁿkoa oló Siōngtè neh? Góa kiám iáu beh goānì tī mîsî tī sèngtiān nih? Góa kiám iáu thiàⁿ I? Góa kiám beh goānì kap I tī Kheksemánî hn̂g "kéngséng chi̍t tiámcheng kú"? (Mákhó 14:37) Góa kiám goānì pangchān I, pē I ê si̍pjīkè kiâⁿ kàu Kokkokthaⁿ? Tī I siū tèngsí ê sî, góa kiám kap I ê lāubú, Málīa, I só͘ thiàⁿ ê ha̍kseng, Iokhān khiā chòehé tī sin piⁿ mah? Góa kiám ōe chhinchhiūⁿ Alīmáthài ê Ioksek, á sī Nîkotíbó͘ ōe chiong I ê sinsi tùi si̍pjīkè téng the̍h lo̍h lâi neh?

Góa nā ōe thang chhinchhiūⁿ ánni chòe, góa ê kèngpài sī oânchoân, ia̍h góa ê hokkhì sī êngkng ê. Tī I siōng pibî ê sî, góa thiàⁿ I; tī I siōng kē ê sî, góa piáusī sìnsim, tī I siōng bô lâng iân, siū khòaⁿkhin ê sî, góa ê sim iáu sêngjīm I ê kokùi. Góa chai, góa sī ài I púnsin, m̄ sī ài I ê unsù, lémi̍h. Si̍tchāi, góa beh tī àmmî, khiā tī I ê sèngtiān kèngpài I, bô ūisímmi̍h, chíū ūi tio̍h I púnsin nātiāⁿ. George Matheson

Siōngtè púnsin sī góa ê bo̍kpiau,
M̄ sī hílo̍k, pêngan, hokkhì kap châitiāu.
Sī chiàu I ê chíì, góa siūtiàu,
"Chhinài Chú, bô sioh tāikè, lō͘ bô koán kiâⁿ tó chi̍t tiâu!"

Sìnsim chhōa góa ǹg Siōngtè lâi màichìn,
Chhōa ji̍p thiàⁿ, khò Chú lâi siongsìn,
Góa ê lêng tè Chú tèkínkín,
Ti̍t kàu I tapèng góa ê kîtó kap chhimsìn.

Put koán lō͘tiong o͘àm ko͘toaⁿ,
Putkoán tāikè jōa tōa,
I chai góa beh khì ê ta̍k lō͘tōaⁿ,
Kàu I hia ê lō͘ sī khaksìn, koh ti̍tsòaⁿ,

Chi̍t chân sū sī khéngtēng, góa bōe tùi I hoántùi,
Chi̍t chân sū góa teh chòe, Chú, góa só͘ óakhò kap kunsûi,
Góa ná kiâⁿ, ná oló Góa ê Siōngtè, sim ná khui,
Kàu tī thiⁿ tit ke̍ktōa ê pòsiúⁿ, siōng pókùi.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org