《台語荒漠甘泉（全羅版）》

 | | | 轉寄

"Chhutji̍t lo̍hhō͘ sī Chú só͘ tiāⁿ"

作者 陳清俊 翻譯 2012.01.08

listen


Chiaⁿ ge̍h chhoe poeh. (It ge̍h poeh ji̍t)

“Góa beh hō͘ in kap Góa ê soaⁿ sìûi ê só͘chāi chiâⁿchòe hokkhì ê goânthâu; Góa ia̍h beh chiàusî lo̍hhō͘; beh ū si hokkhì ê tōahō͘.” (Ísekiat 34:26)

Hiānchāi sī símmi̍h sîkùi? Sī chinkú bô hō͘ mah? Á sī lí bat kenggiām kè khònghān bô hō͘ ê ji̍t mah? Hitsî só͘ suiàu ê, sī ki̍psî ê hō͘. “Lí ê ji̍tchí cháiⁿiūⁿ, lí ê khùila̍t iā beh ánni.” (Sinbēngkì 33:25) Siōngtè sī ōe tī lán ê ji̍tchí ni̍h siôngsiông sù ki̍psî ê hō͘ lâi hō͘ lán ê le̍kliōng ná ji̍tchí ê chōe.

Siōngtè só͘ sù ê hokhō͘ (hokkhì ê hō͘) sī saⁿ liânsòa. Chú sù titkiù ê untián, sù tióngtōa ê untián, sù kiānkhong ê untián, ū oa̍hmiā koàilo̍k ê untián. Lán chhinchhiūⁿ ko͘ta ê chhiūba̍k, thiánkhui lán ê hio̍h lâi chiapsiū Chú só͘ sù ê ki̍psî, liânsio̍k ê kamlîm hō͘chúi. (Charles H. Spurgeon)

Simkoaⁿ khiampi pàng hō͘ kē,
Siōngtè unhō͘ tōa móa kè.

Chú ah, Lí ōe chiong che báibái chhì'á châng (Sianjîn chiúⁿ) lâi khui chhut súisúi ê hoe. Goān Lí iā ōe ánni súiōng góa lâi chiâⁿ Lí ê kang. Iokpek tī khó͘lān ê hō͘ liáuāu tit tio̍h hokkhì ê ji̍tkng, iā bōe thang liáukái chi̍tê hō͘ kap ji̍tkng ê liântài koanhē; goán iā m̄ chai. Nāsī Lí kā goán kóng, Lí ê si̍pjīkè kā goán kóng, Lí ê thòngkhó͘ chiâⁿchòe súi ê biánliû. Goán iā ài tī khùnlân tiong, o̍h, tùi Lí ê thòngkhó͘ ê si̍pjīkè lâi teksèng chiâⁿchòe goán súi ê koanbián. (George Matheson)

Hongsēng ê oa̍hmiā ài ū ji̍tthâu, iā ài ū hō͘chúi.

Chháuba̍k pha̍k kah n̂gn̂g, lianlian, sûisûi,
Ài ū hûn jia̍h, lâi pó chi̍tsi'á khùi;
Chi̍t tih lō͘chúi iā pókùi,
Suiàu ba̍thûn tòa chhiongchiok lō͘chúi,
Hō͘ bômiā chháuba̍k piàn chhiⁿchhùi.

Siāngkhoán, jînseng ê chogū,
Chhìliān lō͘chúi phang, tiⁿ, koh honghù;
Té tī pôaⁿ ni̍h chióchió, bōe ènghù,
Chhinchhiūⁿ àmmî chúiia̍h, thàuchá lō͘, bū,
Ùn chi̍tê, chiū bô koh ū.

Lântit tú tio̍h chhìliān ê o͘im,
Thàuji̍p simlêng sipsip, chhimchhim;
Siōngtè ê hoatchek, sìⁿmiā ōaⁿ sinhêng,
Chhùita lo̍ktô só͘ kengkè ê tē kèng,
Piàn chòe oa̍hoa̍h siōngsúi ê bíkéng.

Ta̍k pái ba̍thûn lâilîm,
Pólô ê phōe, pópòe ná chin kim;
Hûnhō͘ tòa chiokhok ji̍p lán sim,
Lú tha̍k lú ōe sìnjīm,
“Tāichì kàu, lóng sī hó,” Bián kiaⁿ bián kìm!
Si lâi gîm.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org