《台語荒漠甘泉（全羅版）》

 | | | 轉寄

"Anchēng tiong ê siaⁿim"

作者 陳清俊 翻譯 2012.01.15

listen

Chiaⁿ ge̍h cha̍pgō͘ (It ge̍h cha̍pgō͘ ji̍t)

"Hit mî Iâhôhoa tùi i (Ísat) chhuthiān." (Chhòngsèkì 26:24)

Siōngtè ǹg Ísat hiánhiān iā sī i khì Pia̍tsīpa hit chi̍t kang. I ê hiánhiān sī ngó͘jiân ê mah? Lí siongsìn I hiánhiān ê sîkan ōe hoatseng tī jīmhô chi̍t àm, bô ittēng sī hit chi̍t àm mah? Lí nā ánni siūⁿ, chiū chhò lah. Ūisímmi̍h Siōngtè beh tī i kàu Pia̍tsīpa ê hit àm hiánhiān? Ísat tī kū ê só͘chāi, mâhoân ê sū chin chōe, ūi tio̍h bô chin tiōngiàu ê chúichíⁿ, kap chāitē ê bo̍kiûⁿlâng saⁿchiⁿ, siôngsiông saⁿchiⁿ. Chhiongthu̍t suijiân soah, i ê sim iûgoân bô pêngan. Só͘í i koattēng līkhui hia, khì chi̍t ê sin ê ūi. Tī sin ê só͘chāi, tiāⁿ tio̍h beh tòa lo̍hlâi, chit mî, Siōngtè ê chísī lîmkàu i. Siōngtè beh tī i simlêng anchēng lo̍hlâi ê sî ǹg i kóngōe, bô tī i chhauhoân ê sî kóng. Chi̍t ê lâng tī simsîn anchēng lo̍hlâi ê sî, chiah ōe thiaⁿ tio̍h I ê siaⁿ. Ísat tī simlêng antēng ê sîkhek thiaⁿ tio̍h Siōngtè ê siaⁿ, i ê anchēng ê mî chiâⁿ chòe i tit tio̍h kng chiò ê mî.

Góa ê lêng ah, lí ū siūⁿ kè chit ê ōe: “lín tio̍h tiāⁿtiāⁿ, tio̍h chai Góa sī Siōngtè;” (Siphian 46:10) Sim hoân ê sî thiaⁿ bōe tio̍h Siōngtè hôeèng lí ê kîkiû. Ū jōachōe pái lí ê hôeèng lóng ài tán chin kú ah? Lí ê sim thiaⁿ bōe tio̍h, tng teh tōasiaⁿ kiûkiò, teh tân lûikong, teh tē tāng, tī héian jia̍tjia̍t teh to̍h ê sî. Ittān chiah ê siaⁿim lóng bô khì, lí ê chhiú iā bô khì lòng hit ê thihmn̂g, teh koansim pa̍tlâng soah bōekìtit kakī ê hoânló ê sî, só͘ teh kúkú tánthāi ê hôeèng chhuthiān lah. Góa ê lêng ah, anchēng lo̍hlâi, chiapsiū lí ê sim só͘ khatbō͘ ê, kiámchió tùi kakī púnsin ê koansim, chiong kòjîn ê hoânló hē tī Siōngtè ê chètôaⁿ téng. Hitàm Siōngtè beh hiánhiān. I ê chháikhēng sī tī tōachúi thè khì chiah chhuthiān, lí ê tiāmchēng beh thiaⁿ tio̍h éngéng oánoán ê imga̍k.

Tanto̍k kiâⁿ jînseng siótō,
Sim chēngchēng bôhoân bôló.
Chin chōe sū kîbiāu koh òpì,
Bōe bat ū lâng kóngkò.

Lâng chōe, sū cha̍p lâi sim hoân,
Tit tio̍h sī khangkhang, bô oânchoân.
Giâthâu khòaⁿ koân,
Unhô sèngga̍k teh thoân.

Hoânhoân loānloān lō͘ pàng hō͘ lâng,
Simkéng kongbêng, bô kiaⁿlâng.
Khoahtōa háiiûⁿ kngliōng sàng,
Inūi thàiiông kng tùi téng kàng. V. Schoffel


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org