《台語荒漠甘泉（全羅版）》

 | | | 轉寄

"Thoànliān"

作者 陳清俊 翻譯 2012.03.04

listen
Saⁿ ge̍h chhoesì (Saⁿ ge̍h sì ji̍t)

"Chiūsī o̍h hiah ê tùi sìn kap thunlún lâi sêngchiap chiah ê èngún ê lâng." (Hipeklâi 6:12)

Sèngkeng tiong sìnsim ê úijîn, tùi in sènglī ê koantiám ǹg lán ho͘kiò, kó͘lē lán kóng, "íchêng ê lâng chòe ōe kàu ê, hiānchāi ê lâng iā ittēng chòe ōe lâi." In ê thêchhi2nn, m̄ nā ài ū sìnsim, iā ài ū jímnāi, thunlún chiah ōe chiong kangtia5nn chòe oânsiān. Lán tio̍h chùì, m̄ thang inūi lán utchut koh giâugî, siūⁿ beh thoatlī Siōngtè ê chhiú, á sī thesî I só͘ hō͘ lán chi̍t pái kàsī ê kihōe.

Chi̍t ê lāu thihchhiūⁿ kóng liáu chin tio̍h, "Góa siōng kiaⁿ ê sū, sī hông hiatlo̍h tī phai2nnthih tui lāibīn. Lí chai, ūi tio̍h beh ū chi̍ttè hó kǹg, góa chiū thoànliān i, chiong i ka jia̍t, tûi, kòng, jiânāu khǹg ji̍pkhì léngchúi lāi. Chinkín góa chiū chai chit tè thih sīm̄ sī tòngōetiâu chit chióng ê thoànliān. Chhì nn̄g saⁿ pái chiū chai. Nāsī i tòngbōekè thoànliān, soah chhùikhì, chiū hiat i tī phai2nnthih tui lāi, sio̍ksio̍k bōe hō͘ siu phai2nnthih'á ê lâng."

"Góa chai Siōngtè iā ēng siâng hongsek lâi thoànliān góa, ēng hé, ēng chúi kap I ê tāngthûi tûi, phah. Nāsī góa m̄ goān siū khógiām á sī chèngbêng putphòe siū thoànliān, khióngkiaⁿ I iā ōe kā góa hiat tī phai2nnthih'á tui ni̍h."

Tī si3nnmiā ê hé tng jia̍t teh sio lí ê sî, ài kiantēng khiā tiâutiâu, inūi "nāsī āulâi, chiū tī hiahê tùi kéngkài lâi liānta̍t ê lâng, kiat pêngan ê kéchí, chiūsī gī ê kéchí." (Hipeklâi 12:11)

Thongkè khó͘chhó͘ chiah ōe tit chia5nnsèng. Lí chai, Kǹgkhîm ê hiân sī suiàu cha̍pit tùn ê aple̍k chōsêng, chiah lâi tiâuim, lí nā siū ōe khí hitchióng ê aple̍k, Chú beh chiong lí ê khîmim tiâuchéng kap thiⁿténg ê ga̍kūn oânchoân hôha̍p.

Siūsiong, súnhāi ê sūpiàn,
Hō͘ lâng chia5nnchòe khah kèngkhiân.
Chhiⁿkiaⁿ, kíntiuⁿ kap piànchhian,
Pí chhiòchhiò kèji̍t khah iúsiān.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org