《台語荒漠甘泉（全羅版）》

 | | | 轉寄

"Bîn'áchài"

作者 陳清俊 翻譯 2013.06.09

listen

La̍k ge̍h chhoekáu (La̍k ge̍h káu ji̍t)

"Tio̍h óakhò Iâhôhoa lâi kiâⁿ hó, tiàm tī chit ê thó͘tōe, ēng sêngsi̍t chòe bíniû." (Siphian 37:3)

Góa bat tú tio̍h chi̍t ê sànchhiah hūlú, chòe sinkhó͘ ê chhiàⁿkang teh tō͘ oa̍h, chóngsī chin hílo̍k, teksèng ê kitoktô͘. Ū lēnggōa chi̍t ê kitoktô͘ lúsū, ū chi̍t kang tùi i kóng, “Nancy, góa liáukái lí kimji̍t ê khoàilo̍k ê tōlí, chóngsī lí nā hiòng khah hn̄g lâi khòaⁿ, ōe hō͘ lí hoânló, chhinchhiūⁿ kású lí nā phòapīⁿ, bōe thang chòe kang, á sī chhiàⁿ lí ê lâng poaⁿ līkhui chit só͘chāi, lí chiū chhē bô kangchok, kású i̍.”

Lánsí kiò kóng, “Mài koh kóng lo̍hkhì, góa lóng m̄ bat siūⁿ tio̍h ‘kású’. ‘Iâhôhoa sī góa ê bo̍kchiá, góa bô khiàmkheh.’” (Siphian 23:1) Jîchhiáⁿ, tùi hit ê pikoan ê pêngiú kóng, “Lí só͘í ōe būnbūn putlo̍k chiūsī chiah ê ‘kású’ chōsêng ê. Lí siōnghó kā hiah ê hìⁿsak, tantan óakhò Chú.”

Chi̍t chat sèngkeng chat, ài lí ēng sûnchin gínná ê thāitō͘ khì chiapsiū, koh ōe hêngtōng, chiong ‘kású’ tùi sengoa̍h tiong tûkhì, chiūsī Chú ánni kóng, “lia̍h só͘ ū ê chòe kàugia̍h; inūi Siōngtè ū kóng, Góa koattoàn bô pàngsak lí. Só͘í lán thang hótáⁿ kóng, Chú chiūsī pangchān góa ê, góa bô beh kiaⁿhiâⁿ, lâng beh siáⁿ hoattit góa taôa?” (Hipeklâi 13:56). (taôa chiūsī nāihô; ū Chú pangchān, lâng ōe kā góa ánchóaⁿ, tùi góa bô pānhoat?) Hannah Whitall Smith

Chênglō͘, siôngsiông ū hoânló khoe tòngteh,
Koh o͘, koh khoah, koh chhimté,
Immóa ê chúi, tng góa hoâiⁿkè
Chêngbīn iáu ū thòngkhó͘ ê kê.
Chóngsī góa beh chhiòchhiò chhiùⁿ kóng,
“Góa éngoán phō tio̍h hibōng kap sìn ê gánkong,
Góa ōe chiapsiū thòngkhó͘, tng bîn'áchài lâi,
Tānsī, góa bô beh tī kin'áji̍t hoânló bîn'áchài.”

Bîn'áchài ê kiô sī gûihiám ê,
Góa m̄ káⁿ hiānchāi kā I kiâⁿkè,
Khòaⁿ i ê chhâ la̍kla̍k, soh iôiô tōngtōng,
Kiôniû oankhiau bô úntòng,
Simlêng ah, siôngsiông khǹg hibōng,
Lí tio̍h sìnkhò lâi chhiùⁿ kóng,
Góa ōe chiapsiū thòngkhó͘, tng bîn'áchài lâi,
Tānsī, góa bô beh tī kin'áji̍t hoânló bîn'áchài.”

Pe koâiⁿ ê engchiáu bô teh hoânló ánchóaⁿ hoâiⁿkè hô.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org