《台語荒漠甘泉（全羅版）》

 | | | 轉寄

Chúichôaⁿ

作者 陳清俊 翻譯 2006.11.26

listen


Cha̍pit ge̍h jīcha̍pla̍k ji̍t

"Kale̍k mn̄g kóng, Lí beh símmi̍h ah? I kóng, Kiû lí sùhok góa; lí íkeng antì góa tī lâmhng ê tōe, kiû lí hō͘ góa chúichôaⁿ. I chiū ēng téng ê chúichôaⁿ, ē ê chúichôaⁿ hō͘ i." (Ioksua 15:1819)

Jînseng tiong ū "téng ê chúichôaⁿ kap ē ê chúichôaⁿ." In lóngsī chúichôaⁿ, m̄ sī tiāⁿtiāⁿ ê chúikhut. In sī tùi thiⁿténg lâu lo̍hlâi ê hílo̍k kap chiokhok, thongkè iāmjia̍t ê joa̍hthiⁿ, kengle̍k hoânló kap khógiām siōng honghòe ê soabô͘. Sio̍ktī Apsat ê thó͘tē sī tī Iûtāi ê lâmpêng, iāmjia̍t ê ji̍tthâu kā thó͘tē pha̍k kàu tasòsò. Chóngsī tùi soaⁿnih lâulo̍hlâi bôtn̄g ê chúichôaⁿ hō͘ kui tè thó͘tē lóng piàn chhengliâng, kengsin koh chin pûi.

Chiah ê chúichôaⁿ lâu kè jînseng kē ê só͘chāi, khùnlân ê só͘chāi, hongbô͘ ê só͘chāi, ko͘to̍k ê só͘chāi, iā phó͘thong ê só͘chāi. Bôlūn lán ê chhúkéng jûhô, lóng ōe thang chhē tio̍h chiah ê chúichôaⁿ. Apekla̍hhán tī Kalâm ê chèng soaⁿ piⁿ chhē tio̍h chúichôaⁿ. Mô͘se tī Bítiân ê chio̍hpôaⁿ tiong chhē tio̍h chúichôaⁿ. Tāipi̍t tī Sékekla̍h ê héhu tiong chhē tio̍h chúichôaⁿ, hitsî i ê châisán lóng bôkhì, i ê katêng siū lia̍h. Suijiân chènglâng kóng "tio̍h ēng chio̍hthâu tìm i, ... chóngsī Tāipi̍t óakhò Iâhôhoa i ê Siōngtè, kakī kiankò͘." (I Satbó͘jíⁿ 30:6)

Ísàia tī Asut ông Senákili̍p chìnji̍p Iûtāi kok kiaⁿhiâⁿ ê ji̍tchí hoatkiàn liáu che chúichôaⁿ, hitsî liân koâiⁿsoaⁿ to chhinchhiūⁿ beh hiat lo̍h hái. (Ṳ Lia̍tôngkì 19 chiuⁿ) Chóngsī i ê sìnsim iáu ōe hō͘ i chhiùⁿkoa, "Ū chi̍t tiâu hô, i ê khuichhe hō͘ Siōngtè ê siâⁿ hoaⁿhí, Chiūsī Chìkoâiⁿê só͘ khiākhí sèng ê só͘chāi. Siōngtè tī hit tiongkan, siâⁿ tekkhak bōe iôtāng." (Siphian 46:45)

Kitoktô͘ sûntō tī lia̍thé tiong hoatkiàn chúichôaⁿ, kàuhōe káikekchiá tī kap in ê tùite̍k hùntàu tiong, iā lán tī múi chi̍t ji̍t ê sengoa̍h tiong, lóng ōe chhē tio̍h chúichôaⁿ, chíiàu lán simtiong ū Póhūisu, iā o̍h Tāipi̍t ánni kóng, "Góa ê chúigoân lóng chāitī Lí." (Siphian 87:7)

Chiahnih chōe, honghù, chiahnih pókùi ê chúichôaⁿ lán thang ū, Siōngtè iáu ū kohkhah chōe, honghong hùhù ê mi̍h ài lán khì tit tio̍h! A.B. Simpson

Góa kóng, Soabô͘ chin khoahkhui.
Góa kóng, Soabô͘ chin honghùi,
Góa chhùita, tī tóūi ū chúi?
Tī po̍khongsoa beh bih tī tóūi.

Góa kóng, Soabô͘ chiahnih ko͘toaⁿ.
Bô unjiû siaⁿ, bô khóài bīn thang khòaⁿ,
Liân chi̍ttiám'á ê khongkan iā bô thang hōaⁿ,
Góa iáubōe tōasiaⁿ hoah chiū siausòaⁿ.

Góa thiaⁿ tio̍h únchông ê chúichôaⁿ,
Tī góa bīnchêng ū chóchhiū chhiⁿ koh tōa,
Chiáu'á teh chhiùⁿkoa,
Khongtiong ū thiⁿsài ê si̍t koh iô koh tôaⁿ.

Chi̍t ê Thiⁿsài khinkhin mn̄g chi̍t kù,
"Tùi bêng'áchài ê sū,
Ūisímmi̍h ài kèthâu iulū?
Kiámm̄ chai Thiⁿpē chai lí só͘ su?"

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw