《台語荒漠甘泉（全羅版）》

 | | | 轉寄

"Tit si̍tkó͘ pe koâiⁿ"

作者 陳清俊 翻譯 2008.03.09

listen

Saⁿ ge̍h chhoekáu (Saⁿ ge̍h káu ji̍t)

"Tùi....téngbīn khòaⁿlo̍hlâi." (Ngáko 4:8)

Kitoktô͘ pē tōa ê tāngtàⁿ, khiok hō͘ in ū nn̄gki si̍t. Thiaⁿ tio̍h, ná chin mâutún, che khiok sī siū chiokhok ê chinlí. Tāipi̍t siū tio̍h tōa khógiām ê sî, ánni âukiò kóng, "Goān góa tit tio̍h si̍t, chhinchhiūⁿ kap, góa chiū pe khì, tit tio̍h anjiân khiākhí." (Siphian 55:6) Jiânāu, tī i be̍ksióng oân ê chìnchêng, i ná tit tio̍h khaksìn i beh ū si̍tkó͘ ê goānbōng íkeng ta̍t tio̍h, só͘í sòa chiap lo̍hkhì kóng, "Tio̍h chiong lí ê tàⁿ sià hō͘ Iâhôhoa; I beh hûchhî lí, I éngéng bô hō͘ gīlâng iôchoah." (Siphian 55:22)
"Tāngtàⁿ" tī góa ê sèngkeng chùkái ni̍h káisoeh chòe "Iâhôhoa só͘ hō͘ lí ê". Sèngjîn ê tàⁿ sī Siōngtè só͘ hō͘ i ê, só͘í khò sìnsim chiū ōe kîcheksèng piànchòe chi̍t tùi si̍t. Sim siū tāngtāng aple̍k ê lâng "beh chhinchhiūⁿ engchiáu thísi̍t pekoâiⁿ." (Ísàia 40:31) tùi "Chúji̍to̍h sîpò"

Chi̍t ji̍t kiâⁿ tī koeni̍h,
Kip teh pānsū, thâunó͘ siūⁿ pahhāng tāichì,
Ná ba̍thûn, tōahō͘ beh piàⁿ lo̍hkhì,
Kakī khólîn kakī.
Khólîn ê,
Tāichì hiah chōe,
Sengoa̍h hiah pháiⁿ kè,
Tāngtàⁿ teh tī simté.
Thàiiông ná lia̍thé,
Khìchhia phùn o͘ian sái kè,
Lapah, siaⁿim chi̍t sìkòe,
Thô͘hún tòchhù pe.
Chengsîn siū ge̍kthāi bōe liáu,
Sim iàsiān, chhauhoân, khùnjiáu,
Si̍tchāi tòng bōe tiâu.

Ah! Kankhó͘ bōeoân bōesoah,
Aple̍k si̍tchāi siuⁿ tōa,
Anùi kakī mā bô khah choa̍h,
Bûnāi lâi chiapsiū che sengoa̍h.
Chitsî, ū sòesòe siaⁿ thiaⁿkìⁿ:
"He sī beh thêseng lí, m̄ sī apchè lí,"
Góa chiah chai, siūⁿhoat ū siangbīn,
Góa bô teh tī tāngtàⁿ ê ē bīn,
Sī tī i téngbīn,
Tāngtàⁿ m̄ sī kiò góa pē,
Sī hō͘ góa chē.
I ê kèōe,
Chai góa lêngle̍k bōeōe,
Suiàu untián kap le̍kliōng,
Ná chhiū suiàu ji̍tkng, kamlō͘ lâi sêngtióng,
Iā ná bōe chiâⁿhêng ê ióng,
Tùi Chinsîn bô kàugia̍h ê sìngióng,
I ê chûài chān góa lêng chiāmchiām ióng.

Nāsī tótī tāngtàⁿ ē, chiū síbông,
Nāsī ló͘le̍k khiā khílâi ê, ōe sìⁿmiā hengōng,
Tāngtàⁿ piànchòe lán ê siang si̍t,
Thêseng lán tiàm tī I ê untián chinsi̍t.
Nā bô i, lán éngoán tī chhiánsìn ê sîji̍t.

Oh! Thiⁿ ê òbiāu thongta̍t,
Beh teh lán ê tāngtàⁿ sī chòe thêseng lán ê khùila̍t,
Góa ê lêng ah! sengkoâiⁿ, sengkoâiⁿ ū kèta̍t,
M̄ thang tī tāngtàⁿ ē, teh siongpi,
Siōngtè ê ōegú sī ji̍p thianthui ê sósî,
Kap Kitok tanto̍k chòehé khiākhí,
Chē tī tāngtàⁿ téngbīn, hioh tī I sinpiⁿ. Mary Butterfield

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw