《台語荒漠甘泉（全羅版）》

 | | | 轉寄

"Thiⁿpē ê lō͘"

作者 陳清俊 翻譯 2008.03.30

listen
Saⁿ ge̍h saⁿcha̍p (Saⁿ ge̍h saⁿcha̍p ji̍t)

"Khòaⁿ ah, hoānnā lín tiámhé, ēng hépé ûi kakīê, thang lâi kiâⁿ tī lín ê héiām lāi, kap lín só͘ tiám ê hépé tiong. Che sī Góa ê chhiú só͘ tiāⁿ tio̍h ê; lín beh tó tī kankhó͘ ê tiongkan." (Ísàia 50:11)

"Che sī kā kiâⁿ tī o͘àm tiong, kakī teh chhē kng ê lâng kūthé ê kèngkò. In beh chhinchhiūⁿ tiám to̍h ê hé, héchhiⁿ ǹg sìbīn siā chhutlâi. Che sī símmi̍h ìsù?
Ìsù sī, lán kiâⁿ tī o͘àm tiong, siū íniú bô khì sìnkhò Chú, bô óakhò I, khiok óakhò kakī khì chhē chhutlō͘. Lán bô hō͘ Thiⁿpē lâi pangchān, hoántńg khò kakī ê le̍kliōng. Lán chiàu chūjiân ê honghoat khì chhē kng, khì chhéngkàu pêngiú, hō͘ lán púnsin tit kiatlūn, siū gō͘tō chhōa tī oailō͘, pēng bô chhē kiû Siōngtè ê chiàⁿlō͘.
Lán só͘ khòaⁿ tio̍h ê kng, chin khólêng sī kakī só͘ tiámto̍h ê hékng, iā khólêng sī kiâⁿ ǹg gûihiám àmchio̍h ê ké tengthah. Siōngtè hō͘ chiahê huké ê héchhiⁿ lâi chiò lō͘, kiatkó sī pisiong chhiⁿchhám ê.
Chhinài ê pêngiú, tûliáu tī Pē Siōngtè só͘ tiāⁿ tio̍h ê sîkan kap chiàu I ê hongsek, choa̍ttùi m̄ thang siūⁿ beh khò kakī kiâⁿ chhut o͘àm. Lí tú tio̍h khùnlân, hāmlo̍h tī o͘àm tiong, sī ài lí tit tio̍h chi̍t kóa kínkip suiàu ê kàsī á kongkhò. Kèthâu chá ê chínkiù khólêng ōe hônggāi tio̍h Siōngtè ê untián tī lí sinchiūⁿ ê ūnchok. Oânchoân kauthok Chú, kamsim tī o͘àm tiong thènghāu, khaksi̍t chai, ū I kap lán tôngchāi.
Chhiáⁿ kìtit, tī o͘àm tiong kap Chú tângkiâⁿ pí kakī chi̍t lâng kiâⁿ tī kng tiong khah hó. – tùi "Sòesòe ê siaⁿim"
Bo̍htit jiáuloān kansia̍p Siōngtè ê kèōe kap I ê chíì. Lāmsám tāng, lóng sī ōe phòhoāi I ê kang. Chiong sîcheng ê hunchiam, sîchiam kā káipiàn, kā tńgse̍h, pēng bōe káipiàn tio̍h khaksi̍t ê sîkan. Khólêng lí ōe kasok Siōngtè ê ìsù tī bó͘ chi̍t hongbīn hoattián, tānsī tn̂gkî kútn̂g lâi khòaⁿ, lí súnhāi I ê kangchok. Lí thang chiong chi̍tlúi ê hoem̂ kā i thìⁿkhui, ánni chòe, khiok sī húiliáu chi̍t lúi hoe. Chiong itchhè lóng kauthok I, chi̍ttiám'á mā bô pitiàu póliû. "Chóngsī m̄ sī chiàu góa só͘ ài; sī chiàu lí só͘ ài." (Mákhó 14:36) Stephen Merritt

I ê lō͘

Góa ài thêng, I khiok ài góa kèsio̍k kiâⁿ,
Tī hânléng ê chhiūnâ kiaⁿhiâⁿ;
Goânin sī siáⁿ?
Hutjiân ū tōa chio̍hthâu lak lo̍h lâi ê siaⁿ,
Kòng tī thâutú'á só͘ khiā hia.

Góa ài beh kiâⁿ, I khiok ài góa tòngtiāⁿ;
Ko͘putchiong, "chiàu Lí ê ìsù chiâⁿ."
Kè ji̍t thàuchá, In kiâⁿ
Tī góa só͘ beh kiâⁿ ê lō͘tiâⁿ,
Tī hia ū chi̍t bé tōa chôa sí tiāⁿtiāⁿ.

Góa bô beh koh mn̄g goânin,
Suijiân góa khòaⁿ bōe tio̍h chêngbīn.
Tè I ê tàiín,
Góa sui gōng, I khiok chin koh thang sìn,
Kà góa chhē soán anchoân ê lō͘kèng. tùi "Chúji̍to̍h ha̍kpò"

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw