《台語荒漠甘泉（全羅版）》

 | | | 轉寄

"Liûsim koanchhat thènghāu"

作者 陳清俊 翻譯 2008.04.06

listen

Sì ge̍h chhoela̍k (Sì ge̍h la̍k ji̍t)

"Góa beh khiā chiúkiⁿlâu, khiā tī iâⁿchē koankhòaⁿ, khòaⁿ I tùi góa kóng símmi̍h ōe." (Happakok 2:1)

Lán nā bô liûsim koankhòaⁿ ǹgbāng, kanta thènghāu Thiⁿpē ê pangchān, ū símmi̍h ìgī? Bô ǹgbāng, chiū bōe tit tio̍h pangchān. Nāsī lán bô tùi Pē Siōngtè hia tit tio̍h le̍kliōng kap póiū, sī inūi lán bô khì chhē kiû. Tùi thiⁿ lâi ê pangchān sī sûisî ū, lán nā bô khì chùì, liûsim, I ōe khinkhin'á tùi lán ê sinpiⁿ liu khì. Lán sitkhì kihōe, sī inūi lán bô tī chiúkiⁿlâu hn̄ghn̄g chùì khòaⁿ i lâi ê hûnjiah. Lán bô ki̍psî phah khui lán ê simmn̂g, lāisim bô khǹg ǹgbāng. Bô kéngséng siúbāng ê lâng, sī tit bōe tio̍h pangchān. Tī lí itseng bôlūn tōatōa sòesòe ê sū, lóng ài choansim siúbāng Siōngtè.
Sio̍kgú kóng, “Chùì thènghāu Siōngtè untián ê lâng, éngoán bōe bô tit tio̍h I untián ê kihōe. Lán nā hoánbīn lâi kóng, “M̄ bat chùì thènghāu Siōngtè untián ê lâng, éngoán kìⁿ bōe tio̍h Siōngtè ê untián. Lo̍h hō͘ ê sî, nā bô chiong chúitháng hē tī gōabīn sîn hō͘, chiū éngoán khioh bōe tio̍h hō͘chúi.
Lán ài Siōngtè si̍thiān I ê èngún, pitsu kapē jīnchin chùì, bōe sái chhínchhín chháichhái. Kású ū chi̍t ê lâng khì gûnhâng, khì chinchōe pái, the̍h chiphiò kàu thang'ákháu, beh hō͘ gûnhâng ê chhutla̍poân, kakī koh siu tòtńglâi, bô beh khì tūihiān hiānkim, gûnhâng jînoân khólêng ōe chhiáⁿ I chhutkhì.
Lâng kàu gûnhâng ittēng ū sū beh pān, in the̍h chhut chiphiò tùiōaⁿ hiānkim, si̍tsi̍t chāichāi chiong sū pān oân, chiū līkhui. In nā bô beh chiong chiphiò the̍h hō͘ kūitâi jînoân, kanta teh thólūn chi̍t ê chhiamjī jōa chiâⁿ súi, chiphiò téngbīn ê tô͘iūⁿ jōa chiâⁿ hó khòaⁿ, che sī lōnghùi chhutla̍poân ê sîkan, gûnhâng sī bô hoangêng chit chióng lâng. In engkai sī chiong chiphiò lâi ōaⁿ hiānkim, bô the̍h tio̍h chîⁿ bōe līkhui, kínkín pānsū, pān oân chiū kínkín līkhui, chit chióng lâng chiah sī gûnhâng só͘ hoangêng ê.
Chin puthēng, chinchōe lâng tī kîtó ê thāitō͘ sī bô jīnchin, simtiong pēng bô kîthāi Siōngtè ê hôetap, chit chióng ê kîtó sī lōnghùi sîkan. Lán ê Thiⁿpē sī ài lán chhiatchhiat si̍tsi̍t jīnchin kap I kaupôe. Charles H. Spurgeon
“Lí ê ǹgbāng iā bōeōe toānchoa̍t.” (Chimgiân 23:18)
附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw