《台語荒漠甘泉（全羅版）》

 | | | 轉寄

"Hongthai āu ê anlêng"

作者 陳清俊 翻譯 2008.05.11

listen
Gō͘ ge̍h cha̍pit (Gō͘ ge̍h cha̍pit ji̍t)

"Goán kengkè chúihé, Chóngsī Lí hō͘ goán kàu pùū ê só͘chāi." (Siphian 66:12)

Ná chhinchhiūⁿ mâutún ê khoán, lâng ài kengkè chhiongthu̍t liáuāu chiah ōe tit tio̍h chinchiàⁿ ê anhioh. Tùi chhiongthut só͘ tit tio̍h ê anhioh, m̄ sī chhinchhiūⁿ hongthai chêng só͘ kiaⁿ ê anchēng, sī chhinchhiūⁿ hongthai āu só͘ tit tio̍h khongkhì chhengsin ê anlêng.
M̄ bat tú tio̍h iusiong ê lâng khòaⁿ sī siū chiokhok ê, chóngsī khiok m̄ sī kiankiông, simkéng anjiân ê lâng. In ê phínkeh bōe bat siū tio̍h khógiām, ū sī liân chi̍t tiámtiám ê chhòchiat, sitpāi iā m̄ chai ánchóaⁿ tùihù. Siōng khókhò ê chúisiú, nā bô kengle̍k kè po̍khong po̍khō͘ ê kengle̍k, sī bōe thang tit tio̍h. Tng hongpêng lōngchēng ê kiâⁿchûn, ta̍k chióng ê chúisiú lóng bô būntê. Nāsī tú tio̍h po̍khong, tōa honglōng ê sî, lí kiám m̄ sī ài ū kenggiām ê chúisiú mah? I chai ánchóaⁿ tôthoat po̍khong, chai chûnsin kap soh ê kiôngtō͘, chai ánchóaⁿ ēng tōa, chiong chûn anchoân tèng tī hái tiong.
Ah, múi chi̍t pái thòngkhó͘ lâilîm ê sî, lán lóng bô le̍kliōng. Lán ê hibōng ê ki, ná hông siū atchi̍h, lán ê sim ná chhiūⁿ phûtôtîn siū honghō͘ sàu lo̍h pîⁿ, kakī bô la̍t thang khiā khílâi. Chit sî lán ài giâ thâu gióngbōng kóng, "sī Chú!" (Iokhān 21:7), sìnsim khaisí chiong lán tó lo̍hkhì ê hibōng koh tháⁿ khílâi, khîⁿ tiâutiâu liâm tī Siōngtè ê kha chêng. Chòeāu ê kiatkó sī sìnkhò, anchoân, kap pêngan.

Tùithâuhong phah tī góa ê sìⁿmiā,
Góa chit ê sió chûn iô bōe tiāⁿ,
Itchhè kèōe lóng iáu bōe chiâⁿ,
Simtiong ǹgbāng piàn bô iáⁿ.
"Jiânāu I khiā," kóng "tiāⁿtiāⁿ"
Góa sim tit anùi, bô koh kiaⁿ.

Kiaⁿhiâⁿ giâugî ná tōa hong,
Simsîn tîmtāng, bô thàiiông,
Chhōa góa, sù góa ū gánkong,
O͘àmmî, góa bōe thang tòng.
"Jiânāu I khílâi" kóng "ansiông"
I ê bīn chhiongmóa untián hêngiông.

Khógiām chengka, iulū kethiⁿ,
Simsîn tîmtāng lo̍h chhim khiⁿ,
Súnsit itchhè, bōe thang póliû símmi̍h,
Bōe thang káithoat góa kautîⁿ,
"Jiânāu I peh khí," Kóng, "chēngkhì"
Hong hái pêngchēng, Sī Chú! I chiánglí. L.S.P.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw