《台語荒漠甘泉（全羅版）》

 | | | 轉寄

"Sìnsim ê khùila̍t"

作者 陳清俊 翻譯 2008.06.08

listen

La̍k ge̍h chhoepoeh (La̍k ge̍h poeh ji̍t)

"Inūi kìⁿnā tùi Siōngtè siⁿ ê khahiâⁿ sèkan; iā hit ê só͘í bat khahiâⁿ sèkan ê chiūsī lán ê sìn." (I Iokhān [itsu] 5:4)

Nā kā chùì, jînseng tōlō͘ tiong, múi chi̍t ê oatkak, múi chi̍t ê tńgoat ê só͘chāi, lóng ōe tú tio̍h beh toa̍tkhì i sènglī kap sim tiong anlêng ê sū hoatseng. Sattàn bô hòngkhì beh bia̍t beh khiphiàn Siōngtè kiáⁿjî ê jīmhô kangchok. Tī jînseng ê lō͘ múi chi̍t chām, tio̍h ài khòaⁿ khoânkéng ê khìhāu, ài jīnchheng kakī ê chhùkéng.
Lí nā ánni chùì, chiū ōe ki̍psî piáuhiān chhut lí kiankoat ê sìnsim, tùi hit ê beh hō͘ lí sitpāi ê chhùilāi chhiúⁿ tòtńg lâi sènglī.
Bôlūn chênghêng jōa o͘àm, jōa kanlân, sìnsim lóng ōe káipiàn i. Tng suiàu chinchiàⁿ sìnsim ê sîkhek, choânsim óakhò Siōngtè, I ittēng ōe kínkín káipiàn lí ê khoânkéng.
Siōngtè iáu tī I ê póchō chiángkoân, chíiàu lán sìnkhò I, I ōe tī chi̍t ba̍knihkú tùi sitpāi choánhòa chòe sènglī.

Siōngtè sī choânlêng! I ōe chínkiù,
Múi chi̍t sî, sìnsim beh sêngchiū,
Khahiâⁿ kiaⁿhiâⁿ, chōeok, pisiong kap tamiu,
Sī lán sìn Siōngtè choânlêng ê siúⁿ.

Tùi Siōngtè ū sìn, ji̍tkng phó͘chiò,
Suijiân kimji̍t ū hûn jia tio̍h,
I ê sim teh kèōe lí góa ê tō,
Tùi Siōngtè ū sìnsim, éngoán sìnkhò.

Lí ū sìnsim, éngoán m̄ bián kiaⁿ, m̄ bián lúnneh.Bôlūn tī símmi̍h só͘chāi tú tio̍h tōa mô͘kúi,lóng ōe tékhòng i. tōa chiongkun Ferdinand Foch

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw