《台語荒漠甘泉（全羅版）》

 | | | 轉寄

"Thiàⁿ ōe jiakhàm lóngchóng ê kèsit"

作者 陳清俊 翻譯 2008.06.22

listen

La̍k ge̍h jījī (La̍k ge̍h jīcha̍pjī ji̍t)

"Jînài ōe jiakhàm lóngchóng ê kèsit." (Chimgiân 10:12) "Tio̍h kiû jînài." (I Kolîmto 14:1) [chhamkhó I Kolîmto 13:713]

Hoânló ê sî, chiong khùnlân kap Siōngtè punthoaⁿ (huntam). Chòekūn ū tha̍k tio̍h chi̍t ūi Siōngtè ê kiáⁿjî ê kòjîn kenggiām, hō͘ góa ìnsiōng chin chhim, chin lo̍kì kap tāike hunhióng.
"Tī pòaⁿmî góa hoatkiàn kakī oânchoân khùn bōe khì, inūi bô kongtō ê sū, chi̍tchūn chi̍tchūn kongkek góa, góa ê sim putti putkak sitkhì thiàⁿ ê jiakhàm. Góa chin thòngkhó͘ hiòng Siōngtè âukiò, kiû I sù le̍kliōng hō͘ góa ōe chunthàn I ê kàsī, 'Jînài ōe jiakhàm lóngchóng ê kèsit.'
Sènglêng másiōng khaisí hō͘ góa ū le̍kliōng, chòeāu chān góa bōekìtit itchhè. Góa sióngsiōng ku̍t chi̍t ê hûnbōng, chiong thô͘ ó͘ khílâi, ó͘ kàu chin chhim, góa chiong só͘ū ê siongsim, thòngkhó͘ ê sū lóng tâi tī lāibīn, kínkín chiong thô͘ khàm khílâi, tī téngbīn chèng chháu, kap pe̍hsek mûikùi hoe, koh ‘m̄ thang bōekìtit góa' ê hoe, chiū līkhui.
Hutjiânkan, góa oânchoân anchēng hókhùn, tī góa simlāi chhimchhim ê siongjiah kèngjiân oânchoân hó, liân chi̍ttiám'á hûnjiah iā bô khòaⁿ. Siōngtè ê thiàⁿ jiakhàm kàu chiah thiatté, kin'áji̍t góa kèngjiân lóng bōekìtit sī símmi̍h siongsim, putpêng ê sū lah.”

Soaⁿpiⁿ ū chi̍t chōa lia̍hhûn iáⁿ,
Sī bûchêng honghō͘ chōchiâⁿ,
Chhimchhim hongbō͘ khàmkau,
Hoâiⁿkè chhiⁿchhiⁿ súisúi ê cháuphiâⁿ,

Sîkan kè, Chísiông tùi ē kha hoatkhí,
Chháu'á chhiⁿthai móa chhimkhiⁿ,
Ū hoe, ū tîn, ū sin íⁿ,
Pí íkeng kohkhah hó kéngtì.

Unjiû ê sim siū siong,
Sìⁿmiā ê khoàilo̍k sitchong,
Thiàⁿ ê sìnjīm ū khó͘tiong,
Iusiong ji̍tchí bānbān chèngsiông.

Sîkan kengkè, thiⁿ khui,
Thiⁿsài chiong io̍hko kô͘ tī khangchhùi,
Sim lāi ê thiàⁿ kohkhah chhiongmóa,
Hoehok íchêng ê anlêng, siū anùi.


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com.tw