《台語荒漠甘泉（全羅版）》

 | | | 轉寄

Sìnsim ê hāukó

作者 陳清俊 翻譯 2008.08.17

listen
Poeh ge̍h cha̍pchhit (Poeh ge̍h cha̍pchhit ji̍t)

"Góa sìn Siōngtè, tāichì tehbeh chiàu I só͘ kā góa kóng ê." (Sùtô͘ Hēngtoān 27:25)

Kúinā nî chêng, góa kap chi̍t ê chûntiu2nn chē i ê chûn khì Bíkok, i sī chi̍tūi chin khiânsêng ê kitoktô͘. Chûn kàu tī Niúhunlân (Newfoundland) gōahái ê sî, i tùi góa kóng, “Gō͘ lépài chêng, chiūsī góa ténghôe khuichûn kàu chia ê sî, hoatseng liáu chi̍tkiāⁿ sū, hō͘ góa ê kitoktô͘ sengoa̍h oânchoân ê káipiàn. Góa tī chûnténg kàsútâi íkeng ū jīcha̍psì tiámcheng, chitsî, chûnténg chi̍t ê lúkheh, sī Engkok Bulísutó (Bristol) lâng George Mueller lâi tùi góa kóng, “Chûntiu2nn, góa tio̍h kā lí kóng, pàila̍k ē po͘ góa ittēng ài kàu Khuibékú (Quebec).” “Che sī bô khólêng ê.” Góa ánni hôetap. “Hó” Mueller kóng, “Nāsī lí ê chûn bōeōe tòa góa kàu hia, Siōngtè chiū ōe siūⁿ pa̍t ê pānhoat.

Gō͘cha̍pchhit nî lâi, góa lóng m̄ bat sitiok. Lán kàu ē bīn háitô͘sek kîtó.” Khoa3nn chit ê Siōngtè ê po̍kjîn, góa simlāi siūⁿ, “I sī tùi tó chi̍t ê siáupīⁿīⁿ chhutlâi ê, góa to m̄ bat tú tio̍h chitchióng lâng.” Tùi i kóng, “Mueller siansiⁿ, lí kiám chai gōabīn bū ū jōa kāu mah?” Mueller hôetap kóng, “Góa ê ba̍kchiu bô khoa3nn bū jōakāu, góa chí gióngbōng éngoa̍h ê Siōngtè. Góa ê sengoa̍h tiong, múi chi̍t ê chênghóng I lóng chiángkoán.”

I jiânāu kūilo̍h, chòe góa só͘ bat thiaⁿkè ê siōng kántan ê kîtó. I kîtó soah, góa chiū iā beh khaisí kîtó. Chóngsī i chiong chhiú hē tī góa ê kengkah, kiò góa m̄ bián kîtó. I kóng, “tē it, lí bô siongsìn Siōngtè ōe tapèng; tē jī, góa siongsìn I íkeng taphok, só͘í lí oânchoân bô suiàu koh kîtó.”

Góa khoa3nn i chi̍tē, i kóng, “Chûntiu2nn, góa jīnbat góa ê Chú íkeng gō͘cha̍pchhit nî, bô chi̍t kang bô ki3nn tio̍h góa ê Ông. Khílâi, chûntiu2nn, chiong mn̂g phahkhui, lí ōe khoa3nn tio̍h bū íkeng siausoa3nn. Góa khílâi khoa3nn, bū kójiân bô khì lah. Pàila̍k ē po͘, Goerge Mueller kójiân ta̍tkàu Khuibékú hùhōe.

Nāsī lán ê thia3nn sī sûnchin,
I ê ōe, lán beh siongsìn,
Sìmiā beh kngbêng chiânchìn,
Tī Chú kamtiⁿ lāi ji̍tji̍t ōaⁿsin.

附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com