《台語荒漠甘泉（全羅版）》

 | | | 轉寄

"Iâso͘ só͘ thiàⁿ ê lâng"

作者 陳清俊 翻譯 2008.08.10

listen


Poeh ge̍h chhoecha̍p (Poeh ge̍h cha̍p ji̍t)

"Kìjiân thiaⁿkìⁿ I phòapīⁿ, chiū tī só͘ tòa ê só͘chāi iûgoân tòa nn̄g ji̍t." (Iokhān 11:6)

Chú Iâso͘ hō͘ Lia̍psatlō͘ tùi sí kohoa̍h ê sînjiah kìsū, sī ēng “Mátāi, kap I ê chíbē, kap Lia̍psatlō͘, lóng sī Iâso͘ só͘ thiàⁿ ê lâng.” (Iokhān 11:5) chi̍t kù ōe chòe khaisí. Siōngtè ná chhinchhiūⁿ ài ēng chit ê kengbûn kàsī lán, I tùihù lán ê honghoat bôlūn jōa amkhàm, jōa sînpì, i ê tiongsimtiám, kipúnsiōng sī ài lán káⁿ siongsìn koh khéngtēng I bûhān, lán putphòe, éngoán putpiàn ê thiàⁿthàng. Chóngsī tī thiàⁿ ê lāibīn ū thòngkhó͘ hoatseng.

Mátāi, Málīa bô hoâigî, Iâso͘ ōe chīnliōng pâitû itchhè ê chó͘tòng, bô hō͘ in ê hiaⁿtī síkhì. Chóngsī I thiaⁿkìⁿ Lia̍psatlō͘ phòapīⁿ liáuāu, iûgoân tī só͘ khiākhí ê só͘chāi tòa nn̄g ji̍t.

“Chóngsī” “kìjiân” hō͘ lán thang khì siūⁿ, Iâso͘ bô li̍pkhek kàu Mátāi, Málīa ê chhù, m̄ sī inūi bô thiàⁿ in, si̍tchāi sûnsùi sī ūi tio̍h thiàⁿ. Nā m̄ sī ūi tio̍h bûhān ê thiàⁿ, I pún ōe kínkín khì káitû I só͘ thiàⁿ ê lâng ê siongpi, chhit khì in ê ba̍ksái, bô koh siongpi khó͘thàng. Chí ū Siōngtè thiàⁿ ê le̍kliōng hō͘ Kiùchú apchè I chûài ê simtn̂g, thènghāu khó͘thàng ê thiⁿsài oânsêng i ê kangchok.

Siáⁿ lâng ōe kó͘kè thoabôa kap khó͘thàng tùi lán ū līek? Nā m̄ sī ū in, lán thái ōe tit tio̍h kitoktô͘ sengoa̍h ê chinchōe hó ê tekhēng. Nā m̄ sī ū khógiām sìnsim ê bôaliān, lán ná ōe ū sìnsim? Nā sī bô tn̂gtn̂g siūkhó͘ ê thégiām, bô khó͘lān ê pôeióng, lán thái ōe ū jímnāi ah?

Chhinài ê! Thâuchêng ê lō͘ bô thang kiaⁿ,
Lán só͘ bat ê Chú tī sinpiⁿ saⁿ kap kiâⁿ,
Chhengchheng chhóchhó tī lán simiáⁿ,
Lán sī I só͘ thiàⁿ ê kiáⁿ.

I thiàⁿ lán tng o͘im thiⁿ,
Siongsim ji̍t hō͘ lán oh tam khí,
Iáu sī beh sìnkhò I,
Inūi lán sī I só͘ thiàⁿ kiáⁿjî,

Sîkan, káipiàn itchhè sū,
Khiok bōe káipiàn I ê unhūi,
Kitok ê sim chhiongmóa jînchû,
Inūi lán sī I só͘ thiàⁿ kiáⁿlūi.



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com