|
平埔族女性 ê 情關 khah 自由，會使自由戀愛，無管查甫、查某攏會使採取主動。婚後雖然情關 khah ân ，不過 mā m̄ 是 ân kah bē 透氣。偷食 ê 自由猶有，只要有小可 chām 節就會使。離婚 mā 有相當 ê 自由，婚姻並無變做墳墓。
|
|
228 m̄ 是一個事件，228 是大屠殺。228 m̄ 是 incident，m̄ 是一個事件，koh khah m̄ 是 accident，m̄ 是意外事件。
|
|
1947 年 ê 228 大屠殺是一个有計畫 ê 屠殺，台灣人 ê 菁英大多數難逃劫數‧‧‧特別當時有進步思想 ê 左派作家，真有可能成做社會 ê 意見領袖，按呢災難就有可能隨時臨到。
|
|
波士頓出身 ê 美國名詩人 Robert Frost bat 寫一首詩叫做“The Road Not Taken”，tú 好寫出我選擇台語這條路 ê 心境。
|
|
聽講這个文學獎競爭非常激烈，逐冬攏有真濟人被推薦來參賽，今年聽講 mā 有七个人。可見咱台南縣人文興旺、作家輩出。
|
|
我 kā 這個詩獎送 hō͘ 阿爸，一个一世人骨力作穡、做工 ê 台灣農民，‧‧‧，規世人聽無中國話，看無電視「啞口仔戲」ê 我 ê 老爸大海伯仔。
|
|
希望你繼續支持台語文運動，mā 親像當年支持我仝款，繼續支持我行落去，無 hō͘ 我因為受傷害來餒志。
|
|
語言當然 m̄ 是 kantaⁿ 溝通 ê 工具 niātiāⁿ。語言猶 koh 有族群 ê 文化及感情無可能分離 ê 成分（cultural and sentimental attachment）。
|
|
無論是 Holo、客家抑是原住民，其實是一體 ê，bē tàng 切割 ê，推動 Holo 語文向前一步，也等於推動整個本土語文向前一步。
|
|
台灣人 ê 創傷太濟，需要治療，詩是上好 ê 治療。台灣人 ê 心靈欠缺母語詩 ê 雞湯，需要食一帖心靈 ê 補藥。
|
|
母語一旦若亡，khah 好 ê 標記法不過就是用來替母語寫墓牌而已。
|
|
Kantaⁿ 有一擺，我 ê 作文貼 tī 佈告欄，m̄ koh hit 篇是按作文範本頂偷抄落來 ê，題目到 taⁿ 我猶會記得，叫做「老師不在的時候」。當我發現「我的」作文 hō͘ 老師畫幾 á 個紅箍仔，甲上，貼出來，我不但一點點 á 歡喜 to 無，顛倒非常見笑，感覺親像 hō͘ 人 「公開」處罰仝款。
|
|
到底有 tó 一寡台灣文學系所 in 所教 ê 是正港 ê 台灣文學，又 koh 有 tó 幾個只不過是 the̍h 新瓶來 té 舊酒？
|
|
就親像文建會主委陳其南所講：「只有差異才是文化」。若是強調包容就可能是大熔爐式 ê 融合，結果就是弱勢文化被強勢文化同化，這是老舊落伍 ê 文化觀，新 koh 進步 ê 文化觀是馬賽克式 ê 大拼盤文化，多音交響 koh 和諧無比。
|
|
就語言學來講，一個語言 ê 名稱有伊一定 ê 學術依據，或者是歷史因素自然形成；退一萬步來講，若不得不更改一個語言 ê 名稱不可，猶是 ài 尊重 hit 個語族 ê 命名自主權，這是最最起碼 ê 現代人權觀念。
|
|
Holo 語族因為是大語族，往往為著避免 hō͘ 人扣上「福佬沙文主義」ê 大頂帽仔，處處刻意去迴避權利 ê 爭取，致使 Holo 語實際上已經是弱勢語言 ê 事實全然 hō͘ 一般大眾忽視。長久落去，無定著，所謂多數語族 ê 弱勢語言 Holo 話，會成做台灣上早消失 ê 語言。
|
|
In 阿公 92 歲啊，可能liampiⁿ會過身，後個月 beh 轉去看伊，希望學台灣話 chham 伊講幾句仔話。
|
|
除了有形ê軍事228以外，中國政權tī台灣所實施ê語言政策，是屠殺台灣人所有母語ê另外一個228大屠殺。用屠殺語言文化來達成伊軍事228無完成ê部分，也就是滅種。kā你ê族群母語消滅掉，就ē tàng達到消滅整個族群，達到滅種ê目的。
|
|
伊全力結合台語文運動團體推動台語文運動ê努力，雖然受著台獨聯盟內部反動勢力非常大ê打擊，伊嘛一直攏無餒志。
|
|
上帝敢希望人類用一個語言崇拜伊？咱按呢做，雖然「無hō͘語言成做傳播福音ê 障礙」，但是是m̄ 是已經障礙咱ê 母語去傳播福音？
|
|
台語文這叢代表台灣人自然生命ê 植物一定beh 發芛、beh puh 芽、beh 大叢、beh 開花súi súi，tī 世界 kap 人 khiā 起。
|
|
台灣ê語文環境目前就是按呢，就是印度ê國父顏智 (Gandhi) 所講ê 「無殖民者ê殖民統治」。
|
|
羅馬帝國去 hō͘ 台灣ê原住民拍敗，就用羅馬字進貢hō͘台灣，所以咱m̄才有羅馬字通用。
|
|
伊認為台灣問題上嚴重 ê 是母語 ê 流失、文化ê 失落，所以四十歲 koh 出去讀語言學博士，講是後半世人beh 規心做台語 ê 母語復興運動。伊叫做李勤岸。
|
|
Bat tī報紙讀著一個大作家寫ê悼念亡妻ê文章，hō͘伊感動kah哭幾若工，目屎tō猶未完全焦leh，koh tī仝一份報紙ê仝一個副刊，讀著伊寫hō͘ in少年新娘ê文章。
|
|
我ê 頭殼內底，一直不斷重複你tī路中央 teh 修理水管，你挖深入去， 風颱過後，路基無在，土煞崩落來，你滿身泥汗ê 身軀忽然間hō͘ 土掩無去。
|
|
有一工， 我拄褪光光，ùi 房間行去浴間，伊 m̄ 知去想著抑是按怎，jiok來我 ê 正面，koh àⁿ 落來，認真觀察•••
|
|
工具攏無準備，只好先用清便所ê chhéng'á kā 車頂ê 雪thuh 掉，koh 用牛奶罐仔入燒水kā chhiâⁿ 。嘛無手套，雙手 gàn kah 。kā 規台車ê 雪攏處理清楚，才駛出門。
|
|
全程演出有拜託一個學生錄影起來。我看kah gānggāng，足m̄敢相信，學三個月竟然會當寫出chiah心適ê劇本，有chiah精彩ê表演？
|
 詩冊店2007.07.08
後來chiah 知影這間詩冊店是真有歷史價值ê 冊店。1927 年創立 ，是美國第一間賣史坦貝克(Stein) kap 喬哀思 (Joyce) ê 冊店。
|
|
我刁工tī 聖誕節彼工，開車來學校，看關起來ê 哈佛是生做按怎？
|
|
『是發生甚物代誌m̄ 著緊講！』媽媽 ê 面色已經青lènglèng。 『反正恁穩死ê tō 著lah ！』
|
台語飯桌2007.06.17
我ê 囡仔自細漢我攏kā 騙講我kanna 聽有台灣話，愛參我講台語我才聽有，才會kā 應。
|
|
電腦bē曉，愛kā電腦教hō͘ 伊會曉，咱人是beh用電腦，bē使顛倒去hō͘電腦限制。
|
|
Tī Oakland 附近有一段鑽過海底，•••想像鯊魚tī 火車邊仔泅來泅去。
|
|
過十外分，規間已經chiⁿ kah cha̍tthóngthóng，主持紹介我ê學生，紹介了只好khiā tī門口。
|
|
咖啡廳浮tī 4萬幾英尺ê空中，隨時有可能摔落去。
|
|
每一幅國旗攏化做一粒一粒炸彈，去teh轟炸中東一個散赤、人民平均性命無夠40歲，全國70pha ê人殘廢，叫做『恐怖分子』ê 國家。
|
|
鳳凰城ê名，聽講是因為有一個英國作家來chia ê時，欣賞伊落日ê súi，講那像一隻鳳凰。
|
|
我坐tī遐，練習我ê忍功。我bē使peh起來kap伊chèⁿ，孤鳥插人群，我若kap in辯起來穩當ē氣死。
|
|
滿山滿谷ê楓紅，經過溪流ê時，特別感覺溪邊ê樹紅，透過天色、水色，感覺súi kah ē跳動。
|
|
伊ê穿插自然，無結nekhuhtai，手the̍h 1張phah好ê講稿。伊雖然 73 歲ah，講話真清楚、有條理koh幽默。伊先講911事件ê歷史意義。Tse是強勢ê歐美世界第一遍受著弱勢ê另外hitê世界ê大攻擊，是美國頭一擺領土受攻擊。有人講珍珠港是第一擺，珍珠港是殖民地，m̄是領土。以前歷史上攏是歐美世界leh phah人，無to̍h是家己phah來去倒，tse是頭一擺世界顛倒反（píng）。莫怪反應不止á激膠。
|
新師訓練2007.04.08
你無法度無感覺哈佛ê熱情，伊ê welcome party一個過一個。有ê kantaⁿ食物件、交誼，有ê koh兼orientation。食物件m̄是凊采辦，攏有師傅來煮食、烘肉，koh有服務生來泡酒、thîn酒、phâng菜。看起來攏是請專業ê餐廳入來辦ê。哈佛講是全美上好額ê學校，你無法度m̄相信。
|
|
看過一齣電影，背景是哈佛大學，故事是leh演一個哈佛校園邊仔ê homeless（遊民）及一個哈佛學生ê友情。有一遍，這個homeless tuè hit個學生入去教室旁聽，聽著教授講ê話伊擋bē tiâu就kā伊反駁，講kah規篇道理，全體學生suah一直kā拍pho̍k仔。下課了後，伊講一句真心適ê話：「此後我ê人生開始行落崎lah！」伊講伊已經tī哈佛教過課ah，koh來當然就是落崎。
我tsitmá ê人生就是當teh落崎。
|
